سعد الصغير يطالب بالدعاء لشقيق إسماعيل الليثي: جاله جلطة ونقلوه المستشفى
كشف المطرب سعد الصغير، إن شقيق المطرب الشعبي إسماعيل الليثي أصيب بجلطة بعد وفاة شقيقه الأمر الذي منعه من حضور جنازته حيث نُقل إلى المستشفى.
وقال سعد الصغير خلال مداخلة هاتفية ببرنامج كلمة أخيرة على قناة ON مع الإعلامي أحمد سالم: "شقيق إسماعيل الليثي في المستشفى ومحضرش الجنازة والدفنة، وقع من طوله وجاله جلطة وربنا يشفيه".
وناشد سعد الصغير زملائه المطربين بمساعدة أسرة إسماعيل الليثي، مشيرًا إلى أن العربية التي كان يستقلها وقت الحادث لم تكن ملكه:"بعد أحمد عامر قالوا هنعمل ونسوي ومحدش عمل حاجة وبيتكلموا بس وخلاص، وأنا كنت بقترح نعمل جروب ونلم مساعدات، وفيه ناس تقول هل هو محتاج، لكن إحنا في الفلاحين كده.. ولو لمينا مبلغ على الأقل نسد تمن العربية ويبقى عملنا معاه حاجة، لأن أحمد عامر محدش عمله حاجة ولا حد دفع جنيه لأسرته، إحنا كلامنجية وبنعيط بس".
وكشف عن مواقف للمطرب الراحل وقال: “الوحيد اللي كان بيشتغل للعرايس ببلاش وكل إمبابة تشهد وأنا أقرب واحد له، وعمل أفراح لعرايس أيتام بعدد شعر راسه يا رب تكون من حده ونصيه”.
وأكد أن إسماعيل الليثي كان لا ينزعج من سرقة أغانيه، قائلًا: “كان بيقول ربنا يكرمه، هو يشتغل بيها وأنا هشتغل بيها”.
