أحمد شوبير يمازح عمرو أديب بعد فوز الأهلي: «مش هقولك هارد لك»

مازح الإعلامي الرياضي أحمد شوبير، عمرو أديب بعد نهاية كأس السوبر المصري، والذي توّج به النادي الأهلي على غريمه الزمالك، في البطولة التي جمعتهما على ملعب محمد بن زايد بالإمارات.

وكتب "شوبير" منشور على حسابه بموقع التواصل الاجتماعى فيسبوك: «‏صديقي العزيز عمرو أديب أهديك تحياتي وشكري الجزيل كالعادة ومن غير هاردلك اهه عشان متقوليش هو كل مرة هاردلك هارلك».

عمرو أديب: الأهلي بطل السوبر بإمكانيات وفلوس لا قبل لنا بها

أعرب الإعلامي عمرو أديب عن استيائه من هيمنة النادي الأهلي على البطولات المحلية، مؤكدًا أن تفوقه الكبير يرجع إلى الإمكانيات المادية الهائلة التي يتمتع بها مقارنة بباقي الأندية.

بيجيبوا الفلوس من الهوا

وقال أديب، خلال تقديمه برنامج "الحكاية" على قناة MBC مصر:"الأهلي بطل السوبر بإمكانيات وفلوس لا قبل لنا بها، الخطيب وياسين منصور شطار وبيعرفوا يجيبوا الفلوس من الهوا، وإحنا مش عارفين ندفع مرتبات العاملين".

وأضاف مازحًا: “نفسي في شوية عدالة كروية، حتى معلق مباراة السوبر كان فرحان بفوز الأهلي”، متابعًا بنبرة ساخرة: “ألبس الجلابية بالمقلوب أو بالمعدول مش فارقة، ليه البطولات كلها محسومة للأهلي؟ هل في نادي في الكوكب بيكسب كل المسابقات؟ الأهلي مش الفائز.. الزمالك هو الغلبان اللي اتغلب”.

واستطرد قائلًا: “حتى جوجل بيحتفل بفوز الأهلي، مش بس جوجل.. ده حتى الهوا أهلاوي! أرجوكم خدونا معاكم وطرطشوا شوية حنية على باقي فرق الدوري، الناس كلها سايبة كل حاجة وبتحفل عليا”.

واختتم عمرو أديب حديثه قائلًا:"أنا بحذر.. كده مش هيبقى في منافسة بعد كده، وأوعى يا أهلاوي تفتكر إنك كنت عظيم النهارده، الزمالك هو اللي غلبان، اسألوا أي ناقد رياضي.. الأهلي لعب حلو ولا وحش؟"

وعلق على مباراة القمة، قائلًا:"مصر كلها سابت كل حاجة رجال أعمال سياسيين بنات صغيرة بنات كبيرة ناس من أستراليا الهند والسند، الجميع ترك كل شيء بعد المباراة، وبعت لي ههههههههه، أخويا الكبارة عماد بعت لي بعد المباراة، طب ليه يا عماد؟".

كابتن شوبير كاتب تويتة يقول لي هاردلك يا عمرو

وأضاف،:"كابتن شوبير كاتب تويتة يقول لي هاردلك يا عمرو وقال إيه بيواسيني بس هو كده هيشلني يا جماعة أنا مركب دعامة أنا ماتشين كمان ومش هكمل بالطريقة دي".

واستطرد:"جمهور الأهلي جمهور محظوظ، ده نادي بيكسب علطول، فأنت فرحان علطول، أما جمهور قلبي يقطر دمًا مش بيكسب علطول، ده نادي دولة، مش نادي بتاع عمرو ولا حسين لبيب، مبروك من دلوقتي الدوري، والكونفيدرالية، كله مبروك، يا جماعة، كام واحد داخل الماتش النهاردة وعنده احتمال الزمالك يكسب، أنا بس اللي كنت متوقع أن الزمالك هيكسب، وأنا بس اللي كنت مهتم بالجلابية، المباراة النهاردة لا تقيس أن الأهلي كان متفوقا هي تقيس ان الزمالك كان غلبان.