هند سعيد صالح تشيد بموقف مي عمر: "قالت كلمة الحق بدون حسابات"
أعربت هند سعيد صالح، ابنة الفنان الراحل سعيد صالح، عن إعجابها وتقديرها لمنشور الفنانة مي عمر الذي أعلنت من خلاله دعمها لصديقتها آن الرفاعي، زوجة الفنان كريم محمود عبدالعزيز، وذلك في ظل تداول أنباء حول اقتراب حدوث انفصال بين الزوجين.
وقالت هند في منشور لها عبر حسابها على موقع التواصل الاجتماعي فيسبوك: "من حوالى ٥ شهور كتبت بوست بمشكلة كبيرة بيمر بيها جوزى فى شغله مع الشركة المتحدة واللى بالمناسبة لسة ماتحلتش بس ان شاء الله هاتتحل ب " كن فيكون " ما علينا".
وتابعت في منشورها قائلة: "اللى ساندونى كتير أوى الحمد لله لكن فيه ناس معينة اتمنيت و توقعت مساندتهم لصداقتهم مع بابا أو معايا أو فى الأساس و ده الأهم لأن جوزى (صاحب حق) و حط تحت صاحب حق دى مليون خط، يعنى لا كنت محتاجة واسطة ولا خدمة ولا استثناء احنا أصحاب حق .. آجلا أم عاجلا هناخده بأمر الله".
https://www.facebook.com/share/p/185ubjKo3v/
وأضافت بقولها: "اللى توقعتهم يساندونى و ماساندونيش كانوا بالظبط طبق الأصل لقطة بابا فى سلام يا صاحبى فى طابور العرض و هو بيدارى وشه ولا حتى لايك أزرق يا مؤمن من اللى بنستهتر بيه و مابنعملوش لحد من كتر عدم أهميته عادى مش زعلانة من حد كل واحد حقه يخاف على أكل عيشه بالشكل اللى شايفه صح".
وأوضحت قائلة: "لما شوفت بوست مى عمر الصبح لا اهتميت بموقفها ولا هى صح ولا غلط ولا الطرف التانى صح ولا غلط لأن القصة كلها بتفاصيلها ماتهمنيش و كل بيت فيه اللى مكفيه و ماحدش عارف عنه حاجة و مش من حقنا نحكم على حد".
وأشارت إلى: "أنا كل اللى لفت نظرى ان مى عمر قالت كلمة الحق اللى هى شايفاها كلمة حق بصوت عالى ماعملتش حساب فلان هايزعل ولا علان هايقاطعنى، فبجد من قلبى حبيتها و احترمتها عشان غضت النظر عن أى حاجة فى الدنيا و طلعت اللى جواها و اللى شايفاه كلمة حق سواء عاجبنا أو مش عاجبنا".
واختتمت: "أنا عارفة ان البوست ده هايزعل منى ناس كتير بس اللى البوست جاله على الجرح محتاج يراجع نفسه فى اظهار كلمة الحق".
إنتي الحب الأول والحقيقي.. مي عمر تساند آن الرفاعي طليقة كريم محمود عبدالعزيز
حرصت الفنانة مي عمر على مساندة ودعم آن الرفاعي بعدما انفصلت عن الفنان كريم محمود عبدالعزيز في الساعات الأخيرة، حيث نشرت مقطع فيديو لها عبر حسابها الرسمي على موقع تبادل الصور والفيديوهات إنستجرام.
مي عمر تدعم آن الرفاعي
وعلقت مي عمر على مقطع الفيديو قائلة: “إنتي الحب الأول يا آن وإنتي السند الحقيقي اللي كان موجود في كل خطوة من حياته، إنتي اللي شُفتِي البدايات، واللي حضرتي النجاح، إنتي أم بناته، والضهر اللي رجع له، والبيت اللي بيتفتحله له مهما حصل، إنتي الحنية والقوة في نفس الوقت، تستاهلي كل الخير اللي جاي يا آن، ولسه قدامك حياة أجمل وأحلى بإذن الله، كوني قوية يا أنونا، أمامك حياة جميلة مليئة بالحب والسلام.”
