دينا الشربيني : «مفيش واحدة بتسرق راجل.. هو بييجي بمزاجه»
قبل ثلاث سنوات، تحدثت الفنانة دينا الشربيني عن تعرضها للخيانة من إحدى صديقاتها المقربات سابقا، بعد أن ارتبطت بحبيبها في ذلك الوقت.
جاء ذلك في حوارها مع الإعلامي الإماراتي أنس بوخش في برنامج “AB TALKS”، والتي أفصحت بحرية عن تجربتها الشخصية وجوانب من حياتها العاطفية، بدأت عندما وجه لها أنس سؤالا حول انتشار ظاهرة ارتباط بأزواج أو أحباء صديقتهن، لترد دينا قائلة: لاحظت إن دا بيكون بين النساء أكتر، ليه الستات بتسرق رجالة أصدقائها؟ وممكن تكون أقرب واحدة ليها؟".
وأضافت الشربيني في ردها على سؤال الإعلامي: "أخطر حاجة إن البنت دي بتبقى عارفة كل حاجة عنه، وده بيسهّل الموضوع بالنسبالها، أنا مش عارفة ليه الرجالة مش بيعملوا كده زي الستات، وده شيء مُهين بالنسبة لينا، بس أنا شايفة إنه مفيش واحدة بتسرق راجل من مراته؛ هو بييجي بمزاجه".
وأضافت: "ما اتعقدتش ولسه بثق في الناس عادي، مش كل الناس شبه بعض، ومش منطقي أعيش خايفة ومتوقعة إن اللي حصل قبل كده يتكرر، لو ركزت أوي في النقطة دي مش هيبقى عندي أصحاب بنات، أنا بثق في صحابي، واللي هتخذلني تاني خلاص هتخرج من حياتي، وصاحبتي لو خانتني بزعل عليها أكتر من أي حد، لأن الصداقة بالنسبة لي أقوى من الأخوة".
ابنة تامر حسني تدعم ابنة كريم محمود عبد العزيز وتهاجم دينا الشربيني
يذكر أن حالة من الجدل أثيرت على مواقع التواصل الاجتماعي مع هجوم ابنة كريم محمود عبد العزيز للفنانة دينا الشربيني، بسبب الأنباء التي كانت قد انتشرت بشأن وجود علاقة تجمع والدها بالفنانة، وما «زاد الطينة بلة» انتهاء العلاقة والصلح بين كريم وزوجته.
ودخلت على خط الأزمة تاليا ابنة الفنان تامر حسني، حيث ردت على تعليق ابنة كريم محمود عبد العزيز وأكدت أن دينا الشربيني تعد ساحرة.
وعادت الأزمة من جديد بعد نشر روبي فيديو يجمعها بالفنانة دينا الشربيني من إحدى الحفلات تغينان باي باي حبيبي باي باي، وهو الأمر الذي فسره البعض أنها محاولة لكيد زوجة كريم، لترد ابنة كريم في تعليق على أحد المنشورات وتكتب: "الاتنين دول روبي والتانية دي، الاتنين دول فيستك، وأنا بكرههم، وماما وبابا ما ينفعش تتجاب سيرتهم في بوستات".
وفي منشور آخر، هاجمتها وكتبت: “إنها ساحرة"، لترد عليها تاليا ابنة تامر حسني وتؤكد الأمر.
وفي خضم هذا الجدل؛ انتشرت مؤخرًا أنباء تزعم عودة العلاقة بين كريم ودينا الشربيني، بعد انقطاع علاقتهما منذ شهرين، والصلح بين كريم وزوجته، إلا أن الثنائي عادا مجددًا.
وجاءت التعليقات على المنشور كالآتي: "مكنتش عايزة أعلق بس الموضوع ده صعب، إيه اللي يخلي راجل يوصل بنته اللي هي "طفلة “ أنها تحس بالمشاعر دي وتحاول تعبر عنها على السوشيال ميديا دفاعا عن أمها، أتمنى العبث ده يتقفل برد من الطرفين عشان نخلص”.
وعلق آخر وكتب: “بعتذر عن التدخل في تريند شخصي زي عودة العلاقة بين دينا الشربيني وأحد الفنانين مرة تانية لكن بسبب الهجوم الشديد عليها و شتيمتها عمال على بطّال حبيت أنوه على إن مافيش راجل بيتخطف من مراته و عياله، وإن الشبح اللي عنده مخالب و بيخطف ممكن يكون إنسان كذاب بيوعد و يخلف و يرجع في كلامه و مابيعرفش يتحكم في مشاعره و لا يسيطر على نفسه ، ماعنديش تفاصيل عن الموضوع لكن متأكد إن الصورة اللي بتتقال مش حقيقية و إن دينا مش الإنسان الشرير ده”.
