شقيق أنوسة كوتة يهاجم ضيحة واقعة سيرك طنطا: مش شغلتك تربط الحيوانات وعملت كده منظرة.. ومبروك التريند
هاحم منذر سخاوي، الشقيق الأصغر لمدربة الأسود أنوسة كوتة، محمد بسطاويسي ضحية واقعة سيرك طنطا، مشيرًا إلى أنه يعمل في السيرك منذ يومين فقط، وليس على معرفة بالحيوانات وليس من مسؤوليته ربطهم، وكان هدفه التباهي أمام زملائه.
وقال منذر السخاوي شقيق أنوسة كوتة، في فيديو له: “بسطاويسي ألف مبروك على التريند، أنا منذر فاكرني، كلنا عارفين أن مش شغلتك تقف تربط الحيوانات، بغط النظر إنك عملت كده علشان تتمنظر قدام صحابك، وعملت كارثة كنت هضيع فيها المدربة والجمهور وكل الموجودين.. مبسوط؟".
وأضاف شقيق أنوسة كوتة: “يا مفتري، بتقول الحيوانات مكالتش من عشرة رمضان يعني حوالي من 25 يوم!.. طيب حلو أوي أنا معاك، الأولى لما يدخلوا العرض ياكلوا إيدك أنت اللي بره الأسد ولا ياكلوا المدربة اللي جوه القص؟
وتابع شقيق مدربة الأسود: "يا اللي عندكم خبرة عشرة سنين، بأماة العمارة الملك التلات أدوار، كل دور فيه كلاب مفترسة، لو واحد صاحبك جبته ودخلته على كلب من الكلاب دي، أول حاجة هيهجم عليه صح، جاي بتتمنظر على صحابك مع حيوانات متعرفكش، مستني إيه؟
وأكمل شقيق أنوسة كوتة: “مش عيب لما تقول محدش عبرك، هي ودتك بلبس الشغل المستشفى، وعندك علم إنها اتسحبت للنيابة وقعدت حوالي عشر ساعات، وبعدها كلمت عيلتها من القاهرة علشان يقفوا معاك”.
وأردف: “اتفرج لما النمر هجم على إيدك شوف هي عملت إيه، لو شفت كم الأسود اللي نزلت على الأرض وهي مدياهم ضهرها وكان ممكن يهجموا عليها، وخدت بالك لما عم شعبان دخل، كارثة لأن بقى عليها تلات مسؤوليات: تفك النمر اللي عضك، وتحمي عم شعبان، وتأمن على باب القفص، كده محتاجين نفرغ الكاميرات قبل الحدثة وأثناء الحادثة”.
إخلاء سبيل أنوسة كوتة
في سياق متصل، كانت النيابة العامة أخلت سبيل أنوسة كوتة مدربة الأسود، بضمان محل إقامتها، في واقعة هجوم نمر في سيرك بطنطا، على أحد العاملين ومساعد أنوسة، وإصابته في يده ما أدى إلى بترها.
بداية الواقعة، عندما هاجم نمر يد عامل في سيرك طنطا، خلال عرض ترفيهي، الأمر الذي أصاب الحضور إلى حالة من الفزع والذهول بعد وقوع الحادث، فيما سارعت فرق الإسعاف إلى نقل المدرب المصاب إلى مستشفى جامعة طنطا لتلقي العلاج اللازم، وأعلنت إدارة السيرك، أنها تحقق في ملابسات الحادث، مشيرة إلى أن مثل هذه الحوادث نادرة الحدوث، وأنها تتخذ جميع التدابير اللازمة لضمان سلامة المدربين والجمهور.
