بعد مواجهته مع نقيب الموسيقيين في كلمة أخيرة.. مسلم: يكفي إني عرفت أواجهه
قال مطرب المهرجانات مسلم إنه يشعر بالفخر لقدرته على مواجهة نقيب الموسيقيين مصطفى كامل خلال مداخلة هاتفية لهما في برنامج كلمة أخيرة على قناة ON.
وقال مسلم: يكفي إني قدرت أواجه مصطفى كامل على التلفزيون وأظهر إني على حق لكن اللي في دماغه في دماغه وعرفت خلاص اني صعب أرجع النقابة لأني زعلت حد كبير جواها وعملت حوارات.
وأعلن مسلم نيته للسفر خارج مصر، حيث قال: خلاص قررت امشي من البلد هسافر وأسيب البلد وأبيع كل حاجة في الشقة وهصفي كل حاجة وهتكل على الله لأني مش عارف أمارس شغلي، ولأني مش عارف اشتغل في بلدي.
وتابع مسلم: هبدأ من بكره أشوف حد يشتري حاجتي، ومش عاوز أي حاجة تاني، أنا اتعرضت لظلم كبير وظلمت بما فيه الكفاية من منتج ومن ومن ناس ومن أهل ومن نقابة، وبقالي سنة مش عارف أصرف على بيتي وناس معايا في الفرقة فيهم اللي بيغسل كلى وأنا مش قادر أساعدهم ومفيش حاجة في ايدي اعملها وفلوسي قربت تخلص وكسرة الرجال صعبة.
واستكمل مسلم: هسافر طالما مفيش أمل، والعيب مش في المحكمة ولا في بلدي العيب في الناس اللي بتقدر تمشي كل حاجة بدماغها وبالواسطة وترشي الناس، وأنا قادر أحقق حلمي في بلدي.
