الفنان إسماعيل فرغلي يكشف سبب تقبيله قدم زوجته الراحلة (فيديو)
كشف الفنان إسماعيل فرغلي عن التأثير الذي تركته زوجته الراحلة في حياته، مؤكدًا أنها كانت الداعم الأكبر له في مشواره الفني والإنساني، قائلاً: "هي ما كانتش شريكة حياتي، هي كانت حياتي كلها".
وقال الفنان إسماعيل فرغلي خلال لقائه ببودكاست «إنذار مع نزار» الذي يقدمه الدكتور نزار السيسي عبر «نيوز رووم»: "اتكلمت عنها كتير وهتكلم عنها كتير لأنها تستاهل كل كلمة حلوة.. كانت ست عايزة تعيش وتربي ولادها، علاقتها بربنا كويسة وبالناس كلها كويسة، متصالحة مع نفسها جدًا".
وأضاف فرغلي: "شافت معايا أيام صعبة جدًا وتحملت، وأنا كنت بوطي على رجليها أبوسها وأقولها أنا ببوس الرجل اللي شالتني 27 سنة، هي وبأفعالها خلتني أوطي وأبوس رجليها".
وأشار إلى أن ما فعله تجاهها لم يكن مجاملة، بل نابع من امتنان صادق، قائلًا: "في زوجة تخليك تبوس رجليها، وفي زوجة تخليك تجيب سكينة وتقتلها.. اللي أنا عملته ده أقل حاجة أقدر أعملها ليها".
<iframe src="https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F855754570138242%2F&show_text=false&width=267&t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>
