البلوجر هند مدحت تخضع لعملية تجميل في أنفها وتروي تجربتها

خضعت البلوجر والمذيعة هند مدحت فاروق، إلي عملية تجميلية جراحية في منطقة الأنف مع إحدى جراحين التجميل.

وقالت هند من خلال فيديو عبر حسابها الرسمي على موقع تبادل الصور والفيديوهات إنستجرام تفاصيل تجربتها، قائلها أنها خضعت من قبل إلي عملية جراحية في الأنف بتركيا لكن نتيجتها كانت غير مرضية.

ولكن في مصر قامت بعمل العملية مرة آخرى، حيث أكدت أنها لم تحتاج إلي المكوث في المستشفى وخرجت بعد العملية في نفس اليوم.

كما أستعرضت أنفها بعد حوالي 5 أيام فقط من إجراء العملية.

الإعلامية هند مدحت فاروق تعلن ارتداء الحجاب

وعلقت هند قائلة: «عمري ما غلبت في الكلام.. ولا اتحطيت في موقف وكنت مش عارفه أقول إيه.. بس أنا فعلاً مش عارفه أكتب حاجة ولا أقول حاجة.. مكنش عندي شك إن اللحظة دي هتيجي تاني.. كنت واثقة في ربنا أنه عارف اللي جوايا.. عارف أنا بحبه قد إيه ومش بتبسط في أي مره بعصيه فيها سواء في الكبائر أو الصغائر».
وتابعت هند مدحت فاروق: «أنا بقالي 4 سنين مصدعة صحابي.. أنا عايزة اتحجب.. مش قادرة بس عايزة.. بحب شعري قوي.. وبحب البحر والتان.. بحب الفساتين القصيرة والحفلات والسهر والمزيكا.. بحب نظرات الإعجاب بجمالي في عين أي حد بيشوفني راجل أو ست».

تصريحات هند مدحت فاروق

وأضافت: «بحب شغلي قوي اللي يمكن الحجاب يغير شكله.. أو يخليني مقدرش أعمله تاني.. بس بحب ربنا أكتر.. بس مش قادرة أحول الحب لفعل.. مش عارفه أخد الخطوة دي.. النهاردة عيد ميلاد جديد ليا.. ميلاد لحياة جديدة مبدأتش النهاردة.. بدأت من سنة.. وركزت فيها من 6 شهور بس».
واستكملت هند مدحت فاروق: «أنا مش هعرف أكتب كل حاجة جوايا.. بس أنا اتحجبت بدعوات أمي وأبويا وأخواتي.. ودعوات كل بنت هنا كانت لما بتشوفني بطرحة في العمرة أو أي حاجة تدعيلي.. فا أنا عايزاكو تكملو دعا ليا.. بس المرادي بالثبات».
واختتمت: «ربنا بس اللي عارف القرار ده خد مني قد إيه.. بس أنا دلوقتي مرتاحة ومطمنة أكتر وعارفة وواثقة أنه هيساعدني.. إدعولي.. كتير.. بالثبات وإني ربنا يقدرني والبسه بالطريقة الصحيحة اللي ترضيه».