سهير جودة: "مش بحب لبس الشتا".. ومفيدة شيحة: "مستنياه بس يكون لطيف"
تحدثت الإعلاميتان سهير جودة ومفيدة شيحة عن حالة الطقس خلال حلقة برنامج "الستات" المذاع عبر قناة "النهار"، وتبادلت الثنائيتان الحديث بخفة ظل حول المطر وبداية فصل الشتاء.
وقالت سهير جودة: "الدنيا بتمطر والمطر خير، أنا بحب المطر الخفيف عشان ندعي، ومش بحب البرد، والجو دلوقتي حلو ياريت يفضل كده"، وأضافت: "أنا مش بحب لبس الشتا، رغم إن الناس بتقول الأناقة كلها في لبس الشتا، بس أنا مش بحب ألبس كذا طبقة، والإحساس ده صعب جدًا".
وعلقت مفيدة شيحة قائلة: "وأنا جاية كنت بقول إنها هتمطر جامد، بس أنا مستنية الشتا مش عشان لبسه، مستنياه عشان ننسمة الهوا، إحنا اتفرمنا في الحر، بس نفسي الشتا يكون لطيف... كن لطيفا يا شتا".
وفي وقت سابق، أعربت الإعلامية مفيدة شيحة عن غضبها الشديد من تكرار حوادث ابتزاز السيدات من قبل أزواجهن السابقين، خاصة من خلال نشر صور أو معلومات تمس كرامتهن بعد انتهاء العلاقة الزوجية، مؤكدة أن هذه التصرفات لا تصدر إلا عن "شخص غير سوي".
قالت مفيدة شيحة: "عمري ما فهمت إزاي راجل يكون متجوز ست، ولما يحصل بينهم خلاف، يقرر ينزل أي نوع من الصور اللي تقلل من قيمتها كامرأة".
وأضافت أن مثل هذه التصرفات تعكس خللا في التفكير وتعد ضربا من ضروب العنف النفسي والاجتماعي ضد المرأة، مشيرة إلى أن "الراجل اللي يعمل كده مش بس بيأذيها، هو بيدمرها تدمير رهيب بطريقة لا إنسانية".
أزمة ثقة لا تعالج بسهولة
وتساءلت مفيدة شيحة عن كيفية تجاوز المرأة لهذه الصدمة، قائلة:"الست دي ازاي هتقدر تعدي أزمة زي دي؟.. خصوصًا وهي مكنتش متوقعة إن أقرب الناس ليها يعمل كده، وهل بعد اللي حصل هتعرف تثق في الناس تاني؟".
وأكدت مفيدة شيحة أن المجتمع بحاجة لإعادة النظر في ثقافة التعامل مع الخلافات الزوجية، موضحة أن كرامة المرأة لا يجوز أن تكون وسيلة للانتقام أو التشهير.
وأشارت مفيدة شيحة إلى أن حديثها جاء على خلفية قضية مطربة شهيرة تعرضت مؤخرا لمحاولة ابتزاز من زوجها السابق، موضحة أن مثل هذه الحوادث يجب أن تقابل بحزم قانوني ورسالة مجتمعية واضحة: "أي ست تتعرض للابتزاز لازم تلاقي دعم حقيقي من الناس والقانون، لأن اللي بيعمل كده لا يستحق يوصف بأنه راجل".
