أحمد عز عن افتتاح المتحف المصري الكبير : فخور وسعيد بالحفاوة في لندن
علق النجم أحمد عز على افتتاح المتحف المصري الكبير، والاحتفال به في السفارة المصرية في لندن، حيث يتواجد عز هناك.
أحمد عز يعلق على افتتاح المتحف المصري الكبير
وقال عز في لقائه مع قناة الغد : "إحنا بلد تاريخ وحضارة .. وده اللي يجعل الحفاوة شيء طبيعي بفضل تاريخنا وحضارتنا الكبيرة.. ومصر قررت افتتاح فصل جديد من خلال المتحف المصري للي عايز يتعلم يعني إيه حضارة .. وللي عايز يتعلم يعني إيه صمود .. وده في وسط كل النزاعات اللي حوالين مصر .. يعني لو بصيت جنبنا هتلاقي حروب .. وفي وسط كل ده مصر قررت افتتاح متحف وبتقول للناس مصر عاملة إزاي".
وتابع أحمد عز : "حتى لو كانت الظروف الاقتصادية بها بعض من الصعوبات .. لكن إحنا قدها وبنتغلب عليها .. وفي الوقت اللي إحنا بنفتح فيه متحف للحضارة .. إحنا عندنا ضيوف من كل العالم برغم الظروف دي كلها".
فخوري إني مصري
وواصل عز مؤكدا على شعوره بالفخر، قائلًا : "فخور إني مصري .. وسعيد بالحفاوة والاستقبال والتقدير ده جدًا في لندن .. ويارب يديم على أمتنا العربية والمصرية النجاح ده .. وأنا من الجيل اللي اتربى على عبدالحليم حافظ وهو بيقول وحياة عروبتي".
دور مصر في دعم أهالي غزة
وأكد أحمد عز على دور مصر المهم في دعم أهالى غزة، حيث قال : "عمر ما مصر قصرت حتى في أصعب الظروف .. إحنا عمرنا ما بنقول الغزاوي والمصري .. بالعكس اللي ما نملكه هو يملكه .. ولو بصيت في مصر هتلاقي المستشفيات مليانة جرحى ومصابين .. وده واجب علينا لأن مصر هي الكبيرة".
احتفال السفارة المصرية في لندن بافتتاح المتحف المصري الكبير
وكانت سفارة جمهورية مصر العربية في لندن قد حرصت على الاحتفال بالافتتاح التاريخي للمتحف المصري الكبير، الذي أُقيم بالأمس السبت.
حضور أحمد عز الاحتفالية
وأقامت السفارة المصرية في لندن احتفالا رسميا بحضور ومشاركة واسعة من كبار المسئولين من الحكومة البريطانية، ومجلسي العموم واللوردات والقصر الملكي، بالإضافة إلى الشخصيات الثقافية والإعلامية والفنانين على رأسهم النجم أحمد عز ورجال الأعمال البريطانيين والمصريين، إلى جانب نخبة من الخبراء في الآثار المصرية، وعدد من المؤثرين و كبار الشخصيات الحكومية والدبلوماسية والسياسية والثقافية والإعلامية في المملكة المتحدة بقيادة السفير أشرف سويلم، سفير مصر في لندن.
