بعد فيديوهات أطفال السفاح .. طبيبة كفر الدوار تثير الجدل بقضية جديدة فى الشرقية

علقت وسام شعيب، طيبة كفر الدوار بمحافظة البحيرة، المعروفة إعلاميا - بفيديوهات أطفال السفاح-  علي فيديو زواج طلاب الإعدادي بالشرقية، قائلة:" لا حول ولا قوه الا بالله.. يا اخونا أنا لسه عند كلمتي أرجوكم راقبوا أولادكم وبناتكم في تصرفاتهم صاحبوهم علشان تبقي أنت سرهم وتعرف تنصحهم وتوجههم مش عيب يا إخونا إننا نبقي المرجع في تربيه عيالنا متسبهومش للسوشيال ميديا والتيك توك هو اللي يربيهم عيالكم كنز".

وقالت شعيب: "حافظوا علي أولادكم  وطلعوهم الخلف الصالح علي الأقل لما حد يشوف تصرفاتهم يقولهم يسلم اللي رباكم …. ربنا يحفظ ولادنا وبناتنا".

زواج طلاب الإعدادي عرفيا

وكانت داليا صلاح، صاحبة فيديو قسيمة زواج طلاب الإعدادي عرفيا بالشرقية، قالت إن الهدف من ظهور تتحدث على الموضوع هو التوعية وتوجيه رسالة لأولياء الأمور بمتابعة أبنائهم في المراحل العمرية المختلفة، مشيرة إلى إن قيام الأطفال في المرحلة الإعدادية بكتابة قسيمة زواج عرفى، حصل بالفعل تحت مُسمى الحب والارتباط العاطفي بـ ورقة زواج، لافتة إلى أنها علمت بالأمر من أحد الطلاب الذي أخبرها بأن صديقه كتب قسيمة زواج على ورقة كراسة، موثقًا بها ارتباطه بزميلته أمام أصدقائهما داخل المدرسة.
وقالت صاحبة فيديو قسيمة زواج طلاب الإعدادي بالشرقية: "الموضوع مش حالة فردية لأن الولد قالي في أكثر من بنت وولد عملوا كده ولما يتخانقوا بيقطعو الورقة، انزلوا يا جماعة في أي مكان وهتشوفوا في السناتر والأطفال بينهم اللي هم إعدادي وثانوي، ويستحق إن الناس تاخد بالها من أولادها، وازاي في السن ده يوصل لفكرة إحنا مرتبطين وكمان يوصل فكرة إني أتجوز بورقة عرفي، وطالما في طلاب فيهم وصل للمرحلة المرتبطين وبعدها مرحلة إن إحنا يلا نكتب ورقة عشان نبقى متجوزين يبقى حجات أكبر".

تأجيل محاكمة طبيبة كفر الدوار لجلسة 27 أبريل المقبل للنطق بالحكم

قررت المحكمة التأديبية بمجلس الدولة فى البحيرة، برئاسة المستشار طارق شعيب، تأجيل محاكمة طبيبة كفر الدوار لجلسة 27 إبريل المقبل، للنطق بالحكم.
وشهد مجلس الدولة اليوم جلسة ساخنة خلال محاكمة الدكتورة وسام شعيب، والمعروفة إعلاميا بطبيبة كفر الدوار.
ويأتى ذلك على خلفية بث الطبيبة فيديوهات مثيرة للجدل واتهامها بارتكاب مخالفات تتعارض وقانون الوظيفة العامة ومخالفة آداب مهنة الطب.
ودافعت الدكتورة وسام شعيب طبيبة كفر الدوار عن نفسها أمام هيئة المحكمة، إنها لا تستهدف الإثارة أو تحقيق الترند والشهرة، وأنها لا تبتغى إلا رضاء الله سبحانه وتعالى.