لقاء سويدان لنيوز رووم:"المتحف المصري انجاز يخلي أجدادنا فرحانين بينا"
أعربت الفنانة لقاء سويدان عن سعادتها الكبيرة بافتتاح المتحف المصري الكبير، وعن انبهارها بالحضارة المصرية القديمة، وذلك في رسالتها ل موقع نيوز رووم.
سعادة لقاء سويدان بافتتاح المتحق المصري الكبير
حيث قالت الفنانة لقاء سويدان في رسالتها: “كلي سعادة وكلي فخر واحساس بالعزة، وعندي طاقة إيجابية فرحانة أوي تقريبا أحنا مستمدين طاقتنا من الأجداد، أجدادنا دلوقتي أكيد فخورين بينا زي ما كنا فخورين بيهم ٤٠٠٠ سنة، دايما بقول أننا لسه عايشين في خير المصريين القدماء، لأن السياحة والمعابد اللي السياح بيجوا مخصوص عشانها ده بيدخل دخل كبير لمصر، هما حتى وهما مايتين منتجين وبيجيبوا لمصر دخل كبير”.
فخر الفراعنة بالمصريين
واستكملت الفنانة لقاء سويدان حديثها قائلة: “أنهاردة هما فخورين بالإنجاز اللي حصل في المتحف المصري الكبير وفخورين بأولادهم اللي حققوا الإنجاز ده بالأخص اللي هيتعرض فيه قطع أول مرة تُعرض ومن ضمنها قطع توت عنخ أمون، ودول حوالي ٥٠٠٠ قطعة، المسلة المهلقة دي فكرة رائعة، لأنها أول مسلة معلقة في العالم، عشان يبان خرطوش الملك المكتوب تحتها”.
مميزات المتحف المصري الكبير
وعن مميزات المتحف المصري الكبير، قالت لقاء سويدان: "أول متحف في العالم هيكون فيه مكان لذوي الاحتياجات الخاصة، أكبر متحف في العالم، يعرض حضارة واحدة بس لأن دايما في المتاحف بيعرضوا حضارات من بلدان مختلفة، حقيقي حاجة مهما اتكلمنا مش هنعرف نوصفها، بس مبهورة، مبرووك لمصر وربنا يتم ده على خير وتكون راجعة قوية جدًا جدّا لبلدنا لأنها تستحق المكانة العظيمة دي".
افتتاح المتحف المصري الكبير
ويعقد حفل افتتاح المتحف المصري الكبير غدًا السبت الموافق 1 نوفمبر 2025، وخصصت إدارة المتحف حضور أيام الافتتاح والحفل لكبار الزوار والملوك ورؤوساء الدول، الراغبين في مشاهدة سحر الحضارة والتاريخ المصري، خاصًة وأن المتحف يحتوي على كنوز مصرية وقاعات عرض عالمية ونحو 100 ألف قطعة أثرية.
أول متحف أخضر في إفريقيا والشرق الأوسط
أكد المركز الإعلامي لمجلس الوزراء أن المتحف المصري الكبير سجل فى خطوة غير مسبوقة اسمه في التاريخ كأول متحف أخضر في إفريقيا والشرق الأوسط، بعد حصوله على شهادة EDGE Advanced للمباني الخضراء لعام 2024.
وأوضح المركز الإعلامي لمجلس الوزراء في "انفوجراف" نشره على صفحته الرسمية أن المتحف المصري الكبير بحصوله على هذه الشهادة أكد ريادته في تعزيز الاستدامة وحماية البيئة.
