أحمد فهمي عن ردود الفعل بعد انتهاء عرض ابن النادي: عيدية بستناها زي طفل صغير
أعرب الفنان أحمد فهمي عن سعادته بعرض آخر حلقتين من مسلسل ابن النادي، موجهًا الشكر لجميع فريق العمل بداية من المنتج طارق الجنايني.
وكتب أحمد فهمي عبر حسابه بموقع فيسبوك: “النهارده نزل آخر حلقتين من مسلسل ابن النادي … مع انتهاء حلقاته حابب يكون فيه شكر وعرفان لكل اللي ساهم في خروج العمل بالشكل اللي عجب حضرتكم … من المنتج صديقي وصاحبي طارق الجنايني للمخرج الكبير وحط تحت كلمة كبير دي مليون خط كريم سعد والمؤلف الواعد مهاب طارق ومدير التصوير حسام حبيب اللي دايماً وشه حلو عليا ومهندس الديكور جيمي والاستاليست مروة عبد السميع”.
وأضاف أحمد فهمي: “والشكر موصول إلى كل اصدقائي الممثلين اللي كنت بستني اروح التصوير عشان اقابلهم وكل كرو العمل من انتاج وعمال … حتى يبقي الشكر الأول والأخير دايماً لحضرتكم سبب النجاح وسبب التركيز في ان الواحد يشتغل عمل يليق بيكم .. ردود أفعالكم الحلوة هي العيدية اللي بستنها زي طفل صغير بعد كل عمل مليون شكرا ليكم . ابن النادي”.
