مرضى.. لمياء راتب تستنكر انتقاد مشاركة الفنانين بحفل افتتاح المتحف المصري
استنكرت لمياء ابنة الفنان أحمد راتب من الانتقادات التي يتعرض لها الفنانين مع الإعلان عن مشاركتهم في حدث مهم، مثل حفل افتتاح المتحف المصري.
وكتبت لمياء أحمد راتب عبر حسابها بموقع فيسبوك: "هي ايه الحزقة اللي بنتحزقها دي كل أما يبقى في حدث مهم وبيشارك في تقديمه نخبة من فناني مصر؟؟؟ ايه اللي كل شوية "هما مين دول؟" "يقدموا الافتتاح ليه؟" "أصلا دول مش واجهة لمصر!"دول مشخصاتية!"
وأضافت لمياء راتب: "أومال بتقطعوا بعض عشان تتصوروا مع المشخصاتية ليه يا جماعة؟ عنيكوا بتقلب قلوب حمرا لما بتشوفوهم صدفة ف الشارع ليه؟
وبعدين تنزلوا فيهم شتيمة لمجرد أن بلدهم استدعتهم يشاركوا في تقديم حدث مهم!!! ازدواجية المعايير في صورتها الخام!!
وتابعت: “كل واحد مستخبي ورا شاشة وشغال سلخ وشتيمة وقلة ادب! دي ناس عندها نقص ومرضى ودول للاسف كتروا”.
وجاءت التعليقات على المنشور كالآتي: "لو بحثتى هتلاقيهم أحقر طبقات المجتمع وبيحملو جواهم حقد وغل من أي حد ناجح أو مميز القافلة تسير والكلاب تعوي
يا لومي دول مش بيكرهوا الفنانين بس دول بيكرهوا نفسهم وكل حياتهم انتقاد وبس" ،"المشكلة إن اللي بيتكلموا دول مش رواد فضاء يعني دي شوية عيال".
