أول تعليق من سامح حسين على تصريحاته بشأن إلغاء الإجازات في الأعياد
أصدر الفنان سامح حسين، توضيحًا لتصريحاته بشأن مطالبته إلغاء الإجازات في الأعياد، التي أثارت ضجة على مواقع التواصل الاجتماعي، أمس الاثنين.
وقال سامح حسين، في حسابه على "فيس بوك اليوم الثلاثاء: جمهوري الحبيب.. كل سنة وانتم طيبين وبخير.. بناء على طلبكم.. والناس اللي طلبت تفسير لموضوع إني بطالب بإلغاء الأجازات في الأعياد.. الكلام ده طبعا غير حقيقي بالمرة.
وتابع قائلا : أنا زيكم بحب الأجازة وبحب زيكم اشتغل بإخلاص زي كل واحد في مجاله.. الأجازة دي نعمة من ربنا نشحن من خلالها قوتنا لمواصلة مشوار الحياة.. كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دى كلها أجازة.
وشدد على أنه لم يكن يقصد أبدا إلغاء الاجازات الرسمية، وعلي فكرة إحنا بنحب الأجازة علشان بنشتغل، أي حد جرب قلة الشغل مش هيحب الأجازة، الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير.. يارب حياتكم تكون كلها أعياد وفرحة.
وكان الفنان سامح حسين، وجه التهنئة للرئيس عبدالفتاح السيسي، بمناسبة عيد الفطر المبارك خلال مشاركته في احتفالية عيد الفطر، بحضور أبناء الشهداء من القوات المسلحة والشرطة المصرية.
وقال سامح حسين مصر فيها حاجات حلوة كتير أوى ومن ضمنها أنك مش محتاج مناسبة معينة عشان تسمع جملة كل سنة وانت طيب، وتقدر تقولها أمام أي حد، ولو صغر دماغه معاك مش هتغلب وهتلاقي مناسبة، وإحنا شعب بيحب الحياة والاحتفالات.
