الحب أغلى من أي جايزة.. أحمد مالك يوجه رسالة بعد الجونة السينمائي
وجه الفنان أحمد مالك رسالة إلي جمهوره بعدما حصد نجمة الجونة في مهرجان الجونة السينمائي، حيث نشر صورة له من فعاليات الجونة عبر حسابه الرسمي على موقع تبادل الصور والفيديوهات إنستجرام.
رسالة أحمد مالك للجمهور
وعلق الفنان أحمد مالك على الصورة: "حقيقي كل الحب اللي وصلي عندي أغلي من أي جايزة! شكرا شكرا! لو اتعلمت حاجة فهي أني فهمت أن كلمة "ليه" ممكن توصلنا حتت كتير اوي! ده أول سؤال سألته لما بدأت امثل، السؤال ده خلاني احب التمثيل بجد، و من هنا بدأ المشوار و لحد دلوقتي قبل اي شغلانة بسأل ليه الشخصية ديه بتعمل اللي بتعمله و لو هقدر اكون حقيقي و ازاي و مش بهدي غير لما الاقي الرد، فه فعلا السؤال هو اول الطريق و الرد بيجي بعد تعب و مجهود كتير، أنا حاسس ان الجايزة دي رد، بس الرد الاكبر انتم. ان شاءالله نحضر سوا نجاحات اكتر. و نفضل نسأل و نتعلم اكتر و اكتر.. شكرا من قلبي".
كلمة أحمد مالك أثناء التكريم
في سياق متصل، قال أحمد مالك أثناء تكريمه: “أخيرًا من بعد ثماني دورات من مهرجان الجونة السينمائي، أخيرًا جائزة أفضل ممثل وصلت بلدها مصر، أول مصري ياخد الجايزة يا جدعان، أنا اتربيت في الصناعة دي وحقيقي فخور أني جزء من هذه الصناعة، ودايمًا بقول التمثيل اختارني وهو أول حب ليا، حبي للمهنة دي خلتني اديها عقلي وجسدي وقلبي، وأعتقد الجائزة دي بتقولي أن الحب ده مش من طرف واحد، وعايز أشكر فريق العمل، وكلمة للشباب مهما وصلنا فين نتعلم نتعلم نتعلم".
أحمد مالك أفضل ممثل عن فيلم كولونيا
في سياق متصل، فاز الفنان أحمد مالك جائزة أفضل ممثل من مهرجان الجونة السينمائي بدورته الثامنة، عن دوره في فيلم كولونيا من إخراج محمد صيام، وذلك ضمن مسابقة لجنة تحكيم مسابقة الأفلام الطويلة، بينما فازت الممثلة ليا دروكير بجائزة أفضل ممثلة عن دورها بفيلم “من أجل آدم” من إخراج لورا واندل.
تفاصيل فيلم كولونيا
ويُذكر أن فيلم "كولونيا" من إخراج محمد صيام، ويشارك في بطولته بجانب أحمد مالك كل من كامل الباشا، عابد عناني، دنيا ماهر، ومايان السيد، ومن إنتاج محمد حفظي، وتأليف مشترك بين محمد صيام وأحمد عامر.
