بعد قليل.. أسرة فريدة سيف النصر تستقبل عزاء شقيقها في منزلها بالعجوزة
تستعد أسرة الراحل بدر سيف النصر، شقيق الفنانة الكبيرة فريدة سيف النصر، في تلقي عزائه بعد صلاة العشاء في المنزل رقم 25 بشارع الدري في العجوزة.
تشييع جنازة شقيق فريدة سيف النصر
وشُيعت منذ قليل جنازة الراحل في مسجد الكواكبي بالعجوزة، بحضور أسرة وأصدقاء الراحل والفنانة فريدة سيف النصر.
وكانت ابنة شقيق الفنانة فريدة سيف النصر قد أعلنت عن موعد ومكان صلاة الجنازة على أبيها الراحل، حيث كتبت عبر حسابها الشخصي على فيسبوك : "الصلاة على بابا بعد العصر في مسجد الكواكبي في العجوزة، بابا ما بيحبش يبقى لوحده، يا ريت أي حد قريب ييجي يصلي عليه، هتفرحوه أوي".
وفاة شقيق فريدة سيف النصر
توفي منذ ساعات شقيق الفنانة فريدة سيف النصر، وخرجت الأخيرة بعدها لتكشف التفاصيل الأخيرة في حياة شقيقها، من خلال بث مباشر عبر حسابها الشخصي على فيسبوك.
حديث فريدة سيف النصر عن شقيقها الراحل
وقالت فريدة : "الله جميل الله رؤوف الله رحيم، الله خلص أخويا من اللي كان فيه، شكة الإبرة بتضيع ذنب، بدر رايح زي الفل، هو سلم هدومه للأرض خلاص، الله يسامح اللي كان السبب، كلها اقدار ومكتوبة، هو دخل المستشفى قلبه تعبه، طلع قلب وكبد وكلى ومرئ وكل حاجة، بطل يا حبيبي، أنا محتاسباه عند الله من رجال الجنة والله".
وأضافت فريدة سيف النصر: "ما كنش بيسيب فرض، كان بس بيدعي ربنا إنه يبلغه رمضان، أنا مؤمنة بقدر ربنا، الفراق وحش قلبي واجعني عليه، بس هو ارتاح، من الناس واللي بيجرى، اللي عايز يخلص من حد عزيز عليه يوديه مستشفى، في دكاترة كويسين بس كمان الله أعلم باللي بيتعمل، اللي حواليه هو اللي مش مرتاحين، سيبت فراغ جامد أوي يا بدر، أخر مرة سجلي دعاء بصوته في الإنعاش، بشكر كل اللي عزوني، عزائي اخدته من أهل الجنة، ربي قدر وما شاء فعل، أعرفوا أن الدنيا قصيرة أوي مهما إن طالت، حبوا بعض مافيش وقت للمشاكل والصراعات، اتقوا الله في نفسكم، قريبة أقرب مما نتخيل، الدنيا ما فيهاش أي حاجة".
