بعد احتفالية عيد الفطر.. لماذا يتم الهجوم على سامح حسين؟

تعرض الفنان سامح حسين لانتقادات قوية، بسبب تصريحاته في احتفالية عيد الفطر، والتي شهدت تواجد الرئيس عبد الفتاح السيسي، وحضور أبناء الشهداء من القوات المسلحة والشرطة، ليخسر الدعم الكبير الذي حصل عليه خلال الفترة الأخيرة بسبب برنامجه "قطايف" في شهر رمضان.

سامح حسين يُطالب بإلغاء إجازات الأعياد

وألقى سامح حسين كلمة في الاحتفالية، قبل أن يقترح إلغاء إجازات الأعياد، وقال: "مش ضروري ناخد كل الأعياد دي إجازات ورانا شغل كتير أوي"، وهو التصريح الذي لاقى غضبًا جماهيريًا كبيرًا، حيث تعرض لانتقاد قوية عبر مواقع التواصل الاجتماعي، ولكنه لم يخرج بأي توضيح حتى الآن.

وعُرض برنامج "قطايف" عبر حسابات سامح حسين الشخصية على مواقع التواصل الاجتماعي، وكان محط إشادة وإعجاب؛ ليُعيده بقوة للساحة الفنية والإعلامية، بعدما تصدر الترند طوال شهر رمضان، وحصل على إشادة من الرئيس السيسي، كما تم تكريمه من قبل الهيئة الوطنية للإعلام ووزير الأوقاف.

غضب جماهيري من سامح حسين

وأعربت الجماهير عبر منصة "إكس"، عن غضبها من تصريحات سامح حسين، وقال تامر حلمي: "صباح الخير يا شعب، نزلنا شغلنا تاني يوم العيد أهو عادي يا سامح يا حسين، إجازة العيد يوم واحد بس يا مواطن زي كل عيد تقريبًا بالنسبة لي، كل سنة وأنتم طيبين مأنتخين يا سامح يا حسين، احنا بقى بننزل شغلنا عادي عشان الممم ومصاريف الدروس الخصوصية، عيد سعيد لكل مصر يا رب".  

"تم كنسلة سامح حسين"، هكذا علقت هاجر على تصريح حسين الجدلي، فيما كتب "كيمو": "عفوًا أستاذ سامح حسين اللي بياكل مع الحكومة مش بياكل مع الشعب.. مع السلامة".

وقال "مزجنجي": "سامح حسين عمل برنامج رمضاني عشان مبيشتغلش، طالع يتكلم عن شباب بتشتغل تقريبًا 12 ساعة يوميًا وأكتر ويقول إنهم محتاجين يشتغلوا أكتر".

وكتبت هبة الشافعي: "سامح حسين أنت بقيت مستفز على الآخر خسارة الحاجة لما تبوظ والله"، وأضافت في تعليقها: "شعب ايه اللي عاوزه يشتغل، ده احنا طالع عنينا والله، أقل شاب دلوقتي بيشتغل فوق الـ16 ساعة، أنتوا بتاخدوا فلوس وإقامات ذهبية من الهوا وجايين تنظروا على الشعب المفحوت عشان ملاليم".

وأشار أحمد الحضري إلى أن المصريين يعملون عدد ساعات أطول، وقال: "يابني احنا من أعلى معدلات الشغل في العالم 8 ساعات في اليوم، دا غير أن فيه ناس بتشتغل 12 ساعة أصلًا، دا غير أن 90% من الناس دلوقت بقت تشتغل شغلانتين وتلاتة.. هو أي واحد مالوش لازمة يطلع ينظر على الشعب ويحتقره بالشكل دا ليه؟.. الموضوع دا محتاج دراسة".

وأبدت نهاد كرارة استغرابها، وقالت: "معقول قال كدا؟! ولا كلام نت؟.. ليه هو مش عايش في مصر، دا احنا دايرين في ساقية مش بنرتاح أصلًا وفي ناس بتشتغل بالـ12 ساعة وشغلانتين، وفي الآخر المرتبات ملاليم.. مالك كدا دي إجازة عيد أبقى خلي العيد يوم واحد بقى"، وتساءل "عُقر" ساخرًا: "كده لو مقدم إجازة في الشغل لازم تاخد موافقة سامح حسين الأول؟".

وعلق "الموش\ سياسي"، قائلًا: "سامح حسين ربنا أكرمه بعدد متابعين لم يكن أحد يتوقعه.. أنا قريت آلاف التغريدات بتمدح فى البرنامج بتاعه، وفجأة غلط غلطة غير متوقعة الناس قلبت عليه.. الشعب طيب لكن ذكي مش سهل"، وقال أحمد: "سامح حسين.. معملتش حاجة فى الفن ولا حد حس بيك.. ولما عملت قطايف سامح حسين كانت حاجة حلوة والكل أشاد بيك... إيه لزمته اللى أنت قلته؟!".