فخورة بيه وبصناعه .. الفنانة نورهان شعيب تشيد ب مسلسل كواليس
أشادت الفنانة نورهان شعيب بمسلسل كواليس الذي يُعرض حاليًا على منصة تويست، حيث نشرت صور تجمعها بفريق العمل عبر حسابها الرسمي على موقع تبادل الصور والفيديوهات إنستجرام.
وقالت نورهان شعيب: “نزل لي مسلسل جميل اسمه (كواليس ) انصح بمشاهدته ، مسلسل لطيف ظريف مش كوميدي لكن بيضحك و مش درامي لكن عميق و حساس قيقي به قدر من العذوبة والانسانية يجعلني فخورة بيه بصناعه”.
قضايا مسلسل كواليس
وتحدثت نورهان شعيب عن قصة المسلسل، حيث قالت: “المسلسل بيناقش قضايا انسانية جميلة زى التمييز بناء علي اللون او الاصول الريفية او غيره ، والكذب و الخداع و المصلحة و الاستغلال تحت ستار مشاعر الاخوة و كمان مصير المتعافين من الادمان و رغبة الانسان وتشوقه للشعور بالانتماء لعيله او لوطن حتي لو عنده كل ماديات الحياة ..وكل دا بشكل هادي و رقيق و بدون خطابية او مباشرة”.
تعاون نورهان شعيب مع الأبطال
واستكملت نورهان شعيب حديثها عن تعاونها مع الأبطال قائلة: “و كمان غني بعناصره الفنية اللي حقيقي كلها جميله بداية من مشاركة حبيبتي وصحبتي الفنانة الشاطرة جدا هيدي كرم القمر من جوه وبره ، و مجموعة من زملائى المحترمين جدا الفنانين اوى اوى زى الاساتذة كريم الحسينى وعبد المنعم رياض وابراهيم غريب و محمود عزت اللي كل حد منهم عامل دوره بطريقة تُدرس وكانت ممتعة جدا ليا كمشاهدة، ومرورا بزملاء شاطرين اعتز بهم زى احمد رفعت و ياسمين رحمي”.
كواليس نورهان شعيب مع صلاح الدالي
وقالت نورهان شعيب عن كواليسها مع صلاح الدالي: “وقوفا عند احلي صدفة عرفتني علي الاستاذ صلاح الدالي اللي كان عامل دور الاخ واللي كان ساعتها اغرب اخ بس بقي فعلا اخ بجد بعد كدة ، وكان المسلسل دا سبب تعارفنا و اشتغلنا بعدها سوا مسلسل تاني جميل من بطولتنا سويا”.
واستكملت نورهان شعيب حديثها: “وطبعا الكوميديانة الجامدة و الممثلة الحساسة الشاطورة ميدرونا، باشكر جدا المخرج الشاطر اللي عامل حالة حلوة اوى من اضائة و تصوير و سرد و جمال وايقاع بديع .. محب وديع، و سعدت حقيقي بالشغل معاه، وباشكر جدا المسؤول عن ترشيحي في المسلسل و المشرف علي انتاجه ، المخرج الكبير و المتفتح وصاحب الرؤى الللي دايما بتعجبني، المخرج الجميل رامي رزق اللّٰه، اللي من حظي اني جمعني بيه كمخرج ٣ مسلسلات هم ...... هبة رجل الغراب ، ونسني شكرا ، طلعت روحي، و كمنتج (كواليس)”
واختتمت نورهان شعيب حديثها قائلة: "شوفوا "كواليس “ لطيف و رقيق و ناعم و يخلص في قعدة بس وعد مش هاتكون اي قعدة”.
