أمينة خليل: مسمحتش لحد يأثر عليا يوم فرحي.. وهذه نصحيتي للفتيات قبل ليلة العمر
كشفت الفنانة أمينة خليل عن موقفها من ردود الفعل التي قابلتها قبل زفافها، مشيرة إلى أنها لم تعط أي اهتمام لأي شخص أو أي شيء أي يؤثر عليها في ليلة العمر.
وقالت أمينة خليل في لقاء لها: “ما ادتش فيمتو لحظة تفكير لأي حاجة أو أي حد وما سمحتش لأي نوع سلبية يلمسني، ومعنديش مانع حد يعلق ويدي رأيه عن تمثليي أو أي أدوار عملتها، لكن يكون متدخل في يوم فرحي انا لأ، الناس بتحكم بكل سهولة وبيطلعوا القطط الفاطسة”.
كما قدمت أمينة خليل نصيحة للفتيات وقالت: “لو عندي حاجة أقولها كنصيحة وأنا فعلًا عملت ده، اتكلمي مع جوزك وخليه يبقى متدخل في الحاجات متطلعيش أنتي لوحدك، ده يوم مهم جدا لعلاقتكم بداية قدام الناس وقدام ربنا إن أنتوا واخدين خطوة في قصة حبكم، صونوا الحاجات الحلوة دي ارجعي دايما الأساس الموضوع ده يومكم أنتوا، خليكي دايما أنتي وجوزك واقفين مع بعض، بلاش كل واحد يروح مع أصحابه، خليكوا ماسكين أيد بعض".
جدير بالذكر أن أمينة خليل احتفلت بزواجها على المصور أحمد زعتر، يوم 30 مايو الماضي، وعقد القران الشيخ خالد الجندي، وحضر الزفاف العديد من نجوم الفن، ومنهم يسرا، أحمد حلمي وزوجته منى زكي، لبلبة، هالة صدقي، درة وزوجها، كندة علوش، جميلة عوض، ياسمينا العبد، أسيل عمران، والطفل علي البيلي وغيرهم.
