باسم مرسي: بيراميدز خد مكان الأهلي اللي ميزانيته 8 مليار

أكد باسم مرسي، نجم الزمالك السابق، أن النادي الأبيض يعاني من الأزمات المالية، وهي ما تجعله بعيد تمامًا عن منافسة ناديي الأهلي وبيراميدز.

تصريحات باسم مرسي حول اللاعبين والميزانية

قال "مرسي" في تصريحات تلفزيونية عبر قناة "إم بي سي مصر 1": "أشرف بن شرقي وزيزو، لوحدهم بياخدوا كام؟ ميزانية المنافس 8 مليار وإحنا كام مليون وعندنا ديون ومحدش بيقف جنبك".

مشكلات مجلس إدارة الزمالك

وأضاف: "هتقولي وانا مالي؟ هقولك وانا مالي برضه أنا كل ما أقف على رجلي مجلس الزمالك يتحل ويتصدر له أزمات ليه".

مقارنة الأهلي والزمالك وبيراميدز

وأوضح: "الأهلي لما طلع قرار ليه بحل مجلسه .. الوزير نفسه هو اللي مشى والمجلس رجع تاني، وطلع ليك نادي ثالث معاه فلوس بس زي بيراميدز.. يبقى في المنافسة".
وتابع: "هو الزمالك اللي بيحل مجلسه كل شويه لما يقف على رجله ويناطح الأهلي وياخد منه بطولة بشكل مباشر".

الأزمات المالية وتأثيرها على اللاعبين

وأوضح: "يحصلك أزمات مالية ولعيبتك تمشي تروح المنافس اللي متوفر له كل الأمور المالية والدعم.. لأن محدش بيدعمك زي المنافس".

بيراميدز والأهلي في المنافسة على البطولات

وأردف: "هو دلوقتي علشان بيراميدز معاه فلوس بس خد مكان مين؟ خد مكان الأهلي اللي متوفر له كل حاجة .. بيراميدز خد أفريقيا وخد السوبر الأفريقي والانتر كونتيننتال اللي كان الأهلي بياخدهم".

بيراميدز أفضل نادي في مصر حاليًا

وشدد: "بيراميدز أفضل نادي في مصر حاليًا علشان متوفر له الفلوس قدر يتفوق على الأهلي اللي متوفر له كل حاجة".

واختتم تصريحاته: "الزمالك محدش بيساعده إنه يبقى معاه فلوس وكل ما بيجي يقف على رجليه ويكسب بطولات ويبدأ يستقر تتصدر له أزمة جديدة".

الزمالك يستعد لماوجهة ديكاداها في الكونفدرالية

وكان  فريق الزمالك فاز على ديكيداها بسداسية دون رد في المباراة التي أقيمت بينهما على ستاد القاهرة الدولي، في ذهاب دور الـ32 لبطولة كأس الكونفدرالية الأفريقية.

ومن المقرر أن تقام مباراة العودة في السادسة مساء غدا الجمعة على ستاد السلام.

يدخل نادي الزمالك مواجهة ديكيداها الصومالي وهو يمتلك أفضلية مريحة بعد الانتصار الكبير الذي حققه في لقاء الذهاب بستة أهداف نظيفة، في مباراة شهدت تألق أحمد شريف، وسيف الجزيري، وسيف جعفر، وخوان بيزيرا الذي أحرز هدفين، إلى جانب عمرو ناصر.

ويأمل الجهاز الفني بقيادة البرتغالي جوزيه جوميز في استمرار الأداء الهجومي القوي، مع تجربة بعض الوجوه الجديدة استعدادًا للاستحقاقات المحلية المقبلة.