بعد الهجوم عليهما.. إلهام شاهين تكشف حقيقة تنمرها وهالة صدقي على لبلبة بالجونة

ردت الفنانة إلهام شاهين على الانتقادات التي طالتها هي والفنانة هالة صدقي خلال حضورهما ندوة تكريم الفنانة لبلبة في مهرجان الجونة السينمائي 2025، حيث أظهر مقطع مصوّر ضحكهما أثناء إلقاء لبلبة كلمة مؤثرة عن المخرج الراحل يوسف شاهين.

وقالت إلهام شاهين خلال تصريحات في برنامج ET بالعربي، إن الموضوع كان شخصي بينها وبين هالة صدقي، ولم تقصدا أي تنمرًا أو إساءة لزميلتهما الفنانة لبلبة، مستنكرة من ردود الفعل والأقاويل التي انتشرت، حيث أوضحت: “حوار بيني وبين هالة، بس الحقيقية إني بقولها هموت وعاوزة أروح التويلت قالت لي بعيد، كنا قربنا نخلص الندوة، وقالت لي اعمليها مكانك فضحكنا، وشاورت ليسرا قلت لها خلصوا عاوزة ادخل الحمام”.

بلبة حبيبتي وصاحبتي وعشرة عمر 

وأضافت إلهام شاهين: “لبلبة حبيبتي وصاحبتي وعشرة عمر وصديقة غالية والمسألة ما تخصهاش تمامًا، وهالة بتحب تهزر ودايمًا تقول أفشات تضحك والموضوع كان كوميدي جدا لأن مكناش هينفع نقوم علشان فيه ناس هيقوفونا علشان يتصوروا”.

إحنا كفنانين متماسكين ومفيش حاجة هتوقع بينا

وتابعت مستنكرة: “ليه الناس متصورين كده علشان هما بيتنمروا علينا فمتخيلين إننا بنتنمر على بعض، بالعكس إحنا كفنانين متماسكين ومفيش حاجة هتوقع بينا، ده كلام سخيف وعبيط، ومش ممكن قاعدين يتصيدوا لينا الخطأ، وعلى مبدأ حبيبك يبلع لك الظلط وعدوك يتمنى ليك الغلط، وواضح إننا أعدائهم وعاوزين يخلقوا لينا غلط ومش لاقيين”.