بعد حضورها معرض يسرا الفني.. جومانا مراد توجه لها رسالة
حرصت الفنانة جومانا مراد على توجيه رسالة تهنئة للفنانة يسرا، وذلك بعد حضورها معرض يسرا الفني المُقام ضمن فعاليات مهرجان الجونة السينمائي، حيث نشرت مقطع فيديو عبر حسابها الرسمي على موقع تبادل الصور والفيديوهات إنستجرام.
رسالة جومانا مراد للفنانة يسرا
وعلقت جومانا مراد قائلة: “ألف مبرووووك يا حبيبة قلبي على التكريم والمعرض الرائع والمبهر لتاريخك الفني الكبير والمشرف والاحتفال ب 50 سنة سينما بحبك اووووي”
بداية الفنانة يسرا الفنية
في سياق متصل، تحدثت الفنانة يسرا عن بداياتها في مجال الفن والصعوبات التي واجهتها خلال تلك الفترة، بعد مشاركتها في عدد من الأعمال التي لم تحقق النجاح المنتظر، بجانب حديثها عن ذكرياتها مع فيلم الإرهاب والكباب والأجر الذي حصلت عليه من هذا العمل ، وذلك خلال ندوة تكريمها بمهرجان الجونة السينمائي في دورته الثامنة.
وقالت يسرا خلال ندوتها: “أنا عملت 25 فيلم في بداية حياتي وكلهم سقطوا سقوط ذريع، قلت طب هكمل ليه والغلط جاي من مين؟، بدأت أحاسب نفسي وروحت المعهد وأنا مش تلميذة فيه”.
وعن علاقتها بالجمهور قالت: “الوقت علمني إن حتى لما يبقى في حاجة مضايقاني الجمهور ملوش ذنب، إنتو ليكوا حق عليا إلى حد ما وإني أكون معاكم، بس إن حياتي تكون مفتوحة تمامًا قدامكم دي حاجة مش هتريحني، والنهاردة بنقول كلام على السوشيال ميديا وبيتقص وكل واحد بيعمل حاجة على مزاجه ف ده بيخليني أكون واخدة بالي أكتر.”
فستان يسرا في فيلم الإرهاب والكباب
أما عن استعانة فستانها من فيلم الإرهاب والكباب لعرضه في مهرجان الجونة، قالت: “أنا فتحت ستين شنطة عشان أطلع فستاني في الإرهاب والكباب عشان يحطوه في المعرض بتاعي في مهرجان الجونة، لما دخلت المعرض شوفت حياتي من ساعة ما اتولدت، أنا فخورة إن فات 50 سنة وأنا محستش بيهم، استفدت من الرحلة بتاعتي وحسيت إني عملت أسطورة للناس اللي بعدينا.”
وواصلت: “ممتنة أوي لكل الناس اللي أضافوا لحياتي من يوم ما مثلت لغاية دلوقتي من غير حب الناس مفيش حاجة مهما عملت، مفيش حد ممكن يوصل لخمسين سنة شغل من غير حب الجمهور وزمايلي.”
