هالة صدقي عن مهرجان الجونة: اللي معندهمش ثقافة بيفتكروا إنه فسحة وسهرة
كشفت الفنانة هالة صدقي، أنها حرصت على الرغم الظروف التي تمر بها على حضور مهرجان الجونة في دورته الثامنة، لأنها تعتبر أن هذا التزام فني وأدبي وواجبها الفني.
مقدرش أغيب عن شغلي
وقالت هالة صدقي في لقاء مع الإعلامية بوسي شلبي على هامش حفل افتتاح المهرجان: “في بعض الناس اللي معندهاش ثقافة ووعي بتعتبر أن المهرجان فسحة وسهرة ولو لبستي حلو يبقى رايحة تسهري وحاجة تافهة، ولو لبستي وحش يبقى مش مدياه قيمته، وبقول للناس المهرجان ده شغل ومن قلب صميم شغلي وأنا مقدرش أغيب عن شغلي”.
وأضافت هالة صدقي: “في فنانين في المسرح أهلهم بيتوفوا وبيدفنوهم الصبح وينزلوا، زي عادل إمام الكبير بتاعنا لما مصطفى متولي اتوفى وكان زميل عمره نزل على المسرح، ده اسمه التزام فني وأدبي، ومهرجان زي الجونة ما دام وعدت يبقى لازم آجي، علشان أشوف الأفلام الجديدة وأحضر تكريم صديقة عمري يسرا، ونشوف الشباب الموهوبين الجدد لأن عندنا نقص في مخرجين ومؤلفين وحلو إننا نشوف وجوده جديدة ونفتح لهم الباب، لأن المهرجان مش سهرة”.
لترد بوسي شلبي مؤكدة حديث هالة صدقي وقالت: “المهرجام جزء لا يتجزأ من مهنة الفنان زي اللي بيروح البنك وبيروح المستشفى هما كمان بينزلوا ده شغلهم”.
وعن تكريم يسرا عن 50 سنة سينما، قالت هالة صدقي: بالنسبة ليسرا عدوا خمس سنين، وإحنا عمرنا ما حسينا بالعمر لأننا بنمارس مهمة بنحبها ونعشقها وبنتفنن كل يوم نقدم فيها إيه جديد، و احنا أول ناس في الشرق الوسط بدأنا سينما والاحتفال بيسرا بالتحديد تستاهل التكريمات والاحتفالات، نموذج من البشر والفنانين غير المعتاد، واننا نوصل للسن ده والمرحلة دي ونفضل على الخطة مطلوبين ومحبوين والناس بدور على أعمالنا ده النجاح الحقيقي لأن يا ما ناس طلعوا في الفترة بتاعتنا واخفتوا لأن احنا اختيارانا كان للفن علشان كده مستمرين".
