تزامنًا مع أزمة زوجها مع طليقته.. مي فاروق: قليل الاحترام هيفضل عدوك
كتبت المطربة مي فاروق منشورًا، وجهت فيه رسالة غامضة عن الاحترام، تزامنًا مع أزمة طليقها الفنان محمد العمروسي مع طليقته حيث قامت الأخيرة برفع دعوى نفقة ضده.
وقالت مي فاروق في منشورها: “أمي وأبويا ربوني علي ان المحترم بيفضل محترم حتى في عداوته وخصومته، وقليل الاحترام حتى لو عملناله كل الحلو هيبقي عدو ليك وبيكرهك المحترم مش مضطر يثبت لحد انه محترم لكن اللي مش محترم بيمشي يقول علي المحترم حاجات مش فيه عشان متضايق منه وبيغل ولما هيعمل كده هيكسب تعاطف الناس فيبقي قصاد نفسه هيحس بانتصار”.
وأضافت مي فاروق: "اللي ما نجحش معاك بيستكتر عليك انك تنجح من غيره أو مع غيره واللي متضايق من قوتك عشان هو ضعيف ولا حاجه
بيمشي يحاول بكل الطرق يكسر فيك عشان هو يرتاح واللي بيؤذيك ويضرك بيدي نفسه كل المبررات اللي تخليه مصدق انك انت اللي وحش ومؤذي ويطلع فيك اللي مش فيك واللي متضايق من نورك بيطلع ضلمته عليك انت".
وتابعت مي فاروق: “فاللي مش محترم بيقول علي المحترم ان هو اللي مش محترم والناقص والمؤذي والمُضر بيمشي يعيط ويقول علي المحترم ان هو اللي مؤذي، من الآخر يعني، اعملوا اللي تعملوه كل واحد هيشوفك باللي جواه هو لو قدت له صوابعك العشره شمع، وعند الله تجتمع الخصوم فهمتوا حاجه وللا ليه”.
