اعترافات جريئة من «سلمي» في قضية طريق المحو: هو اللي بدأ يصور وقال ألفاظ خارجة
ينفرد موقع «نيوز رووم» بنشر أقوال «سلمي»، إحدى المتهمات في القضية رقم 13218 جنح كرداسة، المعروفة إعلاميًا بـ«قضية الفعل الفاضح على طريق المحور»، والتي كشفت في تحقيقات النيابة العامة تفاصيل جديدة عن الواقعة التي أثارت جدلًا واسعًا خلال الأيام الماضية
وكشفت تحقيقات النيابة العامة في القضية رقم 13218 جنح كرداسة، المعروفة إعلاميًا بـ«قضية الفعل الفاضح على طريق المحور»، عن تفاصيل جديدة مثيرة، بعدما تداول رواد مواقع التواصل مقطع فيديو يوثق لحظة ضبط شابين وثلاث فتيات داخل سيارة ملاكي أثناء ارتكابهم فعلًا مخلًا بالآداب في الطريق العام.
نص أقوال سلمي امام النيابة
س: ما هي تفصيلات الواقعة؟
ج: اللي حصل فعلاً إن أنا كنت سهرانة مع احمد، همسة، شهد، حسن في ملهى ليلي اسمه "الذهبية" ناحية العجوزة، وبعد ما خلصنا طلعنا نشرب حاجة على بنزينه عند وصلة دهشور، وهمسة ركبت جنب حسن في العربية، وأنا وشهد كنا راكبين في الكنبة الخلفية، وأحمد كان ماسك العربية وماشي بينا عند وصلة دهشور .
واحنا في الطريق لقينا شخص اسمه كريم ماشي جنبنا بعربية تانية وبيصورنا، وأحمد أول ما شافه بيصور، راح عليه بالعربية عشان يشوفه بيصور ليه، وبعدها نزل أحمد وحسن من العربية وراحوا له، فمد إيده وضرب أحمد في صدره وقعد يشتم فينا ويقول كلام مش كويس، وبعدها مسك حجر وضرب بيه الفانوس بتاع العربية بتاعة أحمد وكسره.
أحمد وحسن دخلوا معاه في خناقة، والناس اللي كانت موجودة حواليهم اتدخلت وفصلت بينهم، وبعدها ركبنا العربية ومشينا.
وفي يوم 3 / 10 / 2025 حوالي الساعة 3 الفجر، جه حد من الشرطة وأخدوني من البيت وودّوني على قسم الشرطة، وهناك عرفت إن في فيديو نزل على مواقع التواصل عن اللي حصل، وده كل اللي حصل.
س: الكلام ده حصل إمتى وفين بالضبط؟
ج: يوم الخميس الموافق 2 / 10 / 2025 الساعة 7:15 صباحًا بطريق محور 26 يوليو متجهين ناحية الشيخ زايد دائرة مركز شرطة كرداسة.
س: ما سبب ومناسبة تواجدك في الزمان والمكان سالفي الذكر؟
ج: أنا كنت سهرانة مع (أحمد، همسة، شهد، حسن) في ملهى ليلي اسمه "الذهبية" في العجوزة، وبعدها كنا رايحين وصلة دهشور في أكتوبر نقف شوية هناك ونشرب حاجة.
س: وما هي علاقتك بكل من سالفي الذكر؟
ج: أحمد صاحب همسة من زمان، وحسن كمان صاحبه، وأنا وهمسة وشهد أصحاب من زمان جدًا وساكنين جنبي في فيصل.
س: هل كان في أي نية أو قصد لفعل مخل بالآداب؟
ج: لا، مفيش أي نية للفعل ده، إحنا كنا راكبين عادي، لكن حصل سوء تفاهم والموقف كله اتطور لما الشخص ده بدأ يصورنا ويشتمنا.
