تأجيل محاكمة مسن قتل جارته وقطع جسدها بالنهضة للاطلاع على تقرير الطب النفسي
أجلت محكمة جنايات شمال القاهرة المنعقدة بالعباسية برئاسة المستشار عادل عزت محاكمة مُسن في اتهامه بقتل جارته وتقطيع جسدها وإلقائه إلى الكلاب في الشارع، بمنطقة النهضة بعد طلب محامي المتهم.
وأجلت المحكمة الجلسة، وذلك للاطلاع على تقرير مستشفى الأمراض النفسية، لذلك قررت المحكمة نظرها في الأسبوع الثالث لدور أبريل المقبل، بناء على طلب المحامي.
وفي وقت سابق قررت نيابة حوادث شرق القاهرة، إحالة مُسن إلى محكمة الجنايات المختصة بتهمة قتل جارته وتقطيع جسدها وإلقاء أجزاء منها لـ«الكلاب»، مع الاحتفاظ بباقي الجسد في ثلاجته في منطقة النهضة بمحافظة القاهرة.
وقال المتهم امام النيابة العامة ، إن جارته المجني عليها، طرقت باب شقته وهي تحمل سكينا وهددته لإجباره على الشهادة معها في محضر ضد جارتها بنفس العمارة، بعدها نشبت مشادة كلامية بينهما، تمكن خلالها من استخلاص السكين من يدها وطعنها وقطّع الجثة، وألقى بعضها في صندوق قمامة، واحتفظ بباقى الجثمان في ثلاجته لحين التخلص منه. وتوصلت التحريات إلى أن القدم لسيدة مُبلّغ باختفائها، وأن أحد الأشخاص حرر محضرًا بتغيب شقيقته عن شقتها منذ عدة أيام، وأنها منفصلة عن زوجها وتقيم برفقة ابنتها الطفلة داخل الشقة.
وتابع المتهم في اعترافاته:«كانت دائمًا تتخانق مع السكان مع أنها كانت كويسة لكن فجأة حالها اتشقلب يمكن بسبب ضيق الحال معرفش مع إن الناس كلها في البلوك كانت بتساعدها بما فيهم أنا، وكانت علاقتي بيها كويسة حتى كانت بتنزل تشتغل يومين تلاتة ويعيشوها وكانت بتقولي إن هما بيمشوها من الشغل عشان عايزين ناس أجمل وشكلها أجمل منها».
وأوضح المتهم في الاعترافات:«الست دي كانت عامله مشاكل مع السكان كلهم وكانت بتعاملهم قضايا وتطلبلهم النجدة، شوية تقول واحد تحرش بيا ومرة واحد سرقني وكانوا كلهم بيتحبسوا، وفي مرة حتى جه ضابط من القسم قالها يعني الناس كلها غلط وانتي اللي صح، وفي يوم وأنا واقف في البلكونة لقحت عليا بالكلام وهي فوق».
وتابع المتهم:«لقحت وقالت الناس قليلة الأصل اللي مييخرجوش يشهدوا شهادة حق لولية ومردتش عليها، وبعدين قبل الموضوع ده بيوم كده لقيتها على السلم قولتلها انتي فتحتي الهويس عليا أنا الشقة كلها ميه، وأنا مش معايا فلوس للكلام ده ولا تكلفة عشان أصلح، وكانت تزعق وتتكلم معايا بطريقة وحشة جدًا، وحتي وهي نازله الصبح لو قابلتني متقوليش صباح الخير».
وأكمل المتهم في التحقيقات:«في مرة قالتلي أنا عايزاك تشهد شهادة معايا إن الناس بتسرقني وتتحرش بيا وأنا مردتش ففضلت تزعق معايا وتقولي ماشي أنت حر، وبعد كده يوم الحادثة بقي الصبح وأنا في الشقة لقيت خبطة قوية على الباب ففتحت لقيتها روحت قفلت الباب وراها قالتلي يا متحرش، قولتلها إيه اللي بتقوليه ده قالتلي هو كده وفضلت وهتيجي تشهد معايا غصب عنك».
