أميرة أديب عن تعرضها للانتقادات : فكرت أسيب الفن وكان بيتقالي إيه القرف ده
كشفت الفنانة الشابة أميرة أديب عن طريقة تعاملها مع الانتقادات التي تتعرض لها، حيث أشارت إلى أنها فكرت من قبل في ترك مجال الفن بسبب تلك الانتقادات.
أميرة أديب تكشف عن تفكيرها في ترك الفن
وقالت أميرة خلال تصريحات تلفزيونية : "اكتشفت إني مش هعرف أرضي أي بني آدم .. وفي الأول كنت بفكر أسيب الفن وأتستت وأقعد في البيت .. وكنت مكتئبة جدا وحاسة إن العالم كله ضدي .. وكنت بقول أنا معلمتش حاجة أنا بنت عايزة أمثل وأغني .. ليه بتعملوا معايا كده ؟".
كانت بيتقالي إيه القرف ده
وأضافت : "بعدها حسيت إني معنديش مشكلة إن حد ينتقدني .. ويقولي إيه الأغنية الوحشة دي أو إيه القرف ده ؟ .. أو انتي مش بتقولي الكلام بشكل مش واضح في الأغنية .. ودي حاجات أنا سمعتها وعدلتها .. وكان بيتقالي انتي قبيحة ووحشة وحاجات أوفر أوي".
أميرة أديب تتحدث عن نشأتها وسط عائلة فنية
وكان قد كشفت الفنانة أميرة أديب، في تصريحات تلفزيونية مؤخرًا، كيف أثرت نشأنها على تكوينها، مشيرة إلى أنها تربت لدى عائلة فنية، لكنها تعلمت تحمل المسؤولية.
وقالت أديب : "أنا محظوظة جدًا بعيلتي، لكن مش بالطريقة اللي الناس فاكرينها، أنا اتربيت في بيت كله فن، بس الإلهام الحقيقي كانت أمي، لأنها جاية من بيئة مختلفة تمامًا، من شبرا، وما كانش عندها حد يساعدها أبدًا، عملت كل حاجة بنفسها، فده خلاني اتحمل المسؤولية وما ينفعش أتدلع خالص”.
أمير المصري أخويا جدًا
أيضًا كشفت أميرة أديب أن الفنان أمير المصري يعد صديق مقرب لها وبمثابة شقيقها، قائلة : “أخويا جدًا جدًا، بعرفه من وأنا عندي 9 سنين، وكان أول فيلم ليه مع عيلتي، فالعلاقة قديمة جدًا، أنا ومايان السيد أصحاب، بس بعدنا عن السوشيال ميديا شوية، كبرنا وركزنا في شغلنا، بس ده مش معناه إن العلاقة انتهت”.
