مراد مكرم ينصح السيدات: اوعي تعايري جوزك بقلة إمكانياته
وجه الفنان مراد مكرم نصيحة للسيدات ضمن سلسلة النصائح التي يقدمها لمتابعيه بشكل مستمر.
وكتب مراد مكرم عبر حسابه بموقع فيسبوك: “اوعي في يوم من الأيام تعايري جوزك بقلة إمكانياته...لو شايفاه بيشتغل وبيشقي وبيحاول ومش مستسلم ما ينفعش أبدا تعايريه أو تقارنيه بحد تاني ده قمة قلة الأدب”..
وفي منشور آخر، كان مراد مكرم قد نصح بأهمية إعطاء شريك الحياة بالحب والأمان، حيث كتب: “صباح الخير.لما ما تشبعش شريك حياتك أمان وحب ما تزعلش لما يدور عليهم بره(يتركك)...لأن دول حاجتين، معظم الناس ما تقدرش تعيش من غيرهم.أهم من الأكل والشرب”.
وفي نصيحة أخرى كتب: “بلكونتك اللي علي الشارع، مش جزء من بيتك، هي أكتر جزء من الشارع، ما ينفعش تطلع تقعد فيها بملابسك الداخلية، مهما كان الجو حر، ما تنساش إنك بتجرح أعين جيرانك، بالذات السيدات...مش هقول نفس الحاجة دي للسيدات، لأنهم أكثر حرصا في هذه المسألة”.
كما نصح بأهمية النظافة الشخصية: “ما يصحش ان اي حد يشم لك ريحه وحشه...النظافه الشخصيه من أبجديات التربية الصحيحة..النظافة الشخصية غير مكلفة، مالهاش علاقة بالحالة المادية، لأن في الآخر الصابون مش سلعة مكلفة. ما ينفعش تتوقع ان البني آدمين اللي حواليك يتعاملوا معاك كويس وأنت ريحتك منفرة”.
