ألبرت جميل يعتذر لحنان مطاوع والفنانين بعد استخدام صورهم بالذكاء الاصطناعي

قدم مدير التسويق ألبرت جميل، اعتذارًا للفنانة حنان مطاوع وبعض النجوم الذين استخدمهم صورهم في مقاطع الفيديو المصنوعة بتقنيات الذكاء الاصطناعي، مع ذويهم المتوفين، وذلك بعد اعتراض حنان مطاوع وانزعاجها من تقديم فيديو تظهر به هي ووالدها الراحل دون استئذانها والرجوع لها.
وكتب ألبرت جميل عبر حسابه الرسمي على «فيسبوك»: “أنا بعتذر رسميًا لكل الأساتذة والفنانين الكبار اللي ظهروا في فيديو رسالة من العالم الآخر، النجمة حنان مطاوع: انا بحب اعمالك جدًا، وطريقتك المحترمة جدًا في الاعتراض تدرّس”.
كما وجه اعتذارًا للفنانة ريهام عبد الغفور وقال: “أنا آسف لحضرتك… شغلي في الـ Digital Marketing خلاني أعمل Hook في أول الفيديو، بس للأسف جه على حساب مشاعرك من غير قصد، كنت متخيل إن إظهار الفنان أشرف عبدالغفور وهو مبسوط وبيتواصل معاكي من الجنة إن شاء الله هيكون عزاء، بس طلع ده ممكن يضايق، وانا آسف، وأي نجم تاني ظهر في الفيديو وضايقه الموضوع… انا آسف جدًا”.
وأوضح":أنا غلطت لأني ما استأذنتش من أي فنان أو من أهاليهم قبل ما أنزل الفيديو، بمنتهى الأمانة مكنتش متوقع خالص إن ده يكون رد الفعل، بالعكس كنت فاكر إن الكل هيبقى مبسوط إننا بنحيي ذكرى ناس كلنا بنحبهم، بس زي ما النجمة حنان مطاوع قالت: حتى لو النية كويسة، الفكرة ممكن تفتح أبواب لناس نيتهم مش كويسة يستغلوا الفنانين بشكل وحش، والحقيقة اللي شجعتني أعمل الفيديو هو إن الفترة اللي فاتت انتشرت صور كتير معمولة بالـ AI لفنانين بيتصوّروا وكأنهم بيحضنوا أحبابهم اللي توفوا، وشفنا فنانين نفسهم بيشيروا الصور دي ومبسوطين بيها. انا بس حاولت أطور الفكرة دي في شكل درامي متحرك برسالة هادفة ومؤثرة".
وأردف: “كل المشاهد اللي ظهرت في الفيديو كانت مبنية على كلام الفنانين نفسهم في لقاءات عامة للجمهور، يعني مثلًا: الفنانة رانيا فريد شوقي قالت في لقاء إنها كانت بتحب تلعب كوتشينه مع العملاق فريد شوقي، وكان دايمًا بيغش ويهزر معاها… فأنا جسدت المشهد ده زي ما هو، من غير ما اخترق حياتهم الخاصة، والفيديو كان موجه لثلاث فئات: الفنانين وأسرهم، كإحياء ذكرى، أي حد فقد شخص عزيز، علشان أوصّله رسالة إن المتوفى مرتاح وحاسس بيه، والناس اللي لسه ما مروش بتجربة الفقد، وده علشان أقولهم يعملوا ذكريات مع اللي بيحبوهم قبل فوات الأوان، ومن الإيجابيات الكبيرة اللي لمستني فعلًا: كمية الترحم اللي حصلت من المشاهدين على كل النجوم والمتوفين اللي ظهروا في الفيديو، وده في حد ذاته شيء محترم ومؤثر جدًا”.