تامر حسني: قالوا لي مستحيل تنجح وكنت أعاني من الفقر والتفكك الأسري
وجه الفنان تامر حسني رسالة أمل لجمهوره من الشباب، مطالبًا منهم عدم الاحباط والاستسلام للأفكار السلبية، مستشهدًا بتجربته في النجاح رغم الظروف القاسية حوله.
أفكارك السلبية هي من صنعك إنت
وكتب تامر حسني عبر حسابه بموقع إنستجرام: “حبايبي اللي بيفكروا حالاً، دي رسالة ليكم.. قضبان سجن أفكارك السلبية هي من صنعك إنت، محدش حابسك والله، إنت اللي حابس نفسك. مجرد ما هتبطل تفكر بشكل يائس هتقع كل القضبان وهتخرج من سجنك وهتنجح وهتحقق كل اللي نفسك فيه وأكتر”.
تامر حسني: قالوا لي مستحيل تنجح
وأضاف تامر حسني: “أقسم بالله قبل ما أنجح ياما كنت بسمع جملة: إنت مستحيل تنجح، صوتك مش هيوصل، مفيكش مواصفات النجم، بالإضافة للفقر المادي القاارص والتفكك الأسري من سن 7 سنين، يعني إحباط من كل الجوانب، بس كنت مبيأسش ولا بسمع الكلام المُحبط، بالعكس كان بيحمسني أكتر ويزيدني عناد للوصول. خليكم كده وقوموا اتحركوا واسعوا، الحياة مش بتحب ولا هتضحك للمستسلم، ولو مش عاجبك مكانك في الدنيا!! غيره!! إنت مش تمثال”.
وجاءت التعليقات على منشور تامر حسني كالآتي: “فضلو يحاربوني و يقولولي عمرك ما هتوصلي لتامر و احلمي على قدك تامر مين بس اللي يشغلك عنده .. guess what people .. داخلة في ٧ سنة دلوقتي الحمدلله و كل يوم في تطور عن اليوم اللي قبله الحمدلله والشكر لله و ليك يا تيمو دايماً والله”، و"والله دايما كلامك الإيجابي بيجي ف الوقت الصح مكدبتش لما بقول عليك مصدر السعاده والامل في حياتي وان شاء الله اشوفك قريب بحبك اووي"، “نفسي اعرف شو السر بيني و بينك كل ما تجيني لحظة احباط بلاقيك منزل بوست كانك بترشدني من غير مقدمات و بتوعيني و بتصحيني شو بيني و بين ربي لحتى يبعتلي واحد متلك يكون بحياتي ويكون بطل قصتي”.
