من الكوشة إلى الاستوديو.. أسرار عائلية من حياة الموسيقار الكبير عمار الشريعي

كشفت ميرفت القفاص، زوجة الموسيقار الكبير الراحل عمار الشريعي، عن كواليس مميزة من حياتها الزوجية، وتحديدا تفاصيل حفل الزفاف الذي تم بشكل مفاجئ وسريع، مؤكدة أن الراحل أصر على إقامة احتفال رغم اتفاقهما المسبق على أنه سيكون عشاءً عائليًا فقط.

وقالت خلال استضافتها في برنامج "الستات" على شاشة قناة النهار: "هو بعتني مع مدير القاعة، وإحنا متفقين ما فيش فرح، لكن المدير بيقول لي هنا هيبقى فيه الكوشة، قلت له لا إحنا مش عاملين كوشة، إحنا هنعمل عشاء عائلي... لقيته على التليفون مع سمير صبري وبيتفقوا على النمر."

 سمير صبري جعل من الحفل مناسبة فنية

وأضافت أن سمير صبري جعل من الحفل مناسبة فنية غنائية فريدة، حيث شارك بالغناء عدد كبير من الفنانين الكبار، قائلة: "مافيش حد ما غناش، كان في محمد الموجي، كمال الطويل، سيد مكاوي، فهد بلان، عبد الله الرويشد، متحج صالح... وكلهم غنوا في الفرح."

وعن علاقتها بزوجها الراحل وابنهما مراد، قالت القفاص: "بعد 7 سنين جه مراد، ومكنتش متخيلة إن عمار هيكون مبسوط كده، كان في قمة السعادة، وماكنش بيزن أو بيطلب أولاد، ولما حصلت لوحدها، فرح جدًا."

مخاوف الشريعي من أن يرث الابن فقدان البصر

وحول مخاوف الشريعي من أن يرث الابن فقدان البصر، تابعت: "أنا ما حسيتش بالقلق غير لما اتولد، وقال لي: أنا عايز حد يكشف على نظره... كان في باله وعايز يتأكد من سلامة نظره."

وأوضحت أن عمار الشريعي كان يمنح مراد الأولوية المطلقة في حياته، وقالت: "هو اللي إيده، مش أنا... كل حاجة بيعملها عشان مراد، عايز يسافر عشان يفسحه، يشتغل عشان يجيب له حاجات... بقى مراد هو محور الكون."

كما كشفت أن مراد لم يرث موهبة التلحين، لكنها أشارت إلى أنه يشبه والده في صوته وبعض صفاته، مضيفة: "دلوقتي بقى بيسمع الحاجات اللي ماكانش بيسمعها، ولما كان باباه موجود كان بيقعد معاه وهو بيشتغل."

واختتمت حديثها بالإشارة إلى أن استوديو الشريعي لا يزال موجودًا في منزلهم، قائلة: "الاستوديو اللي في البيت لسه موجود زي ما هو، ومخلياه لمراد... بقى بيسمع فيه، يعني ذكرى."