محمد رمضان قبل حفله في أمريكا : جمهوري في ضهري وهنخلي العالم يتكلم عربي

شارك النجم محمد رمضان متابعيه عبر إنستجرام، فيديو لتوثيق تحضيراته لحفله المقبل على مسرح مادسون سكوير في أمريكا، معربًا عن سعادته للإقبال الجماهيري الكبير على الحفل.

محمد رمضان يشارك متابعيه كواليس تحضيراته لحفله في أمريكا

وكتب رمضان : "الفيديو ده لما اتعمل .. قولت لفريقي ثقة في الله هنزله لما جمهوري يكون اشتري 75٪؜ من تذاكر حفلة مادسون سكوير جاردن .. وكنت متوقع أنزل الفيديو ده في شهر ديسمبر قبل الحفلة بشهر".

جمهوري واقف في ضهري

وتابع : "لكن الحمد لله ثقتي في ربنا دايمًا بتقصر المسافات .. وماكدبتش لما قولت ( أنا جمهوري واقف في ضهري ) .. والله مبرووك مش ليا مبروووك لجمهوري اللي قدر يعرف الأمريكان قوته و وضعه ع الكوكب".

محمد رمضان يحتفل بعيد ميلاد نجله: «فخور بك يا بني» |صور

أصبحت نجم عالمي.. محمد رمضان: أنا النجم الأول في مصر والوطن العربي

هنخلي العالم يتكلم عربي

وأضاف محمد رمضان : "جمهوري اللي قدر بعد ربنا يوصل فنان مصري بيغني بالعربي إلى أشهر مسرح في العالم .. ويخلي الشرطة الامريكية اللي تنظمله دخول الحفلة .. الحمد لله وبإذن الله طول ما أنتم في ضهري .. هنخلي العالم يتكلم عربي".

واختتم : "مكتوب في عقدي معاهم إن لو التذاكر خلصت قبل 30 أكتوبر ينقلونا أكبر أرينا .. زينا زي أكبر نجم عندهم .. ثقة في الله قدها".

محمد رمضان يحتفل بعيد ميلاد نجله

وكان قد احتفل الفنان محمد رمضان منذ ساعات قليلة، بعيد ميلاد نجله علي، حيث شارك متابعيه مجموعة من الصور، لأطفاله وزوجته، عبر حسابه الرسمي على إنستجرام.

وكتب رمضان : "عيد ميلاد سعيد ابني علي .. أتمنى لك كل التوفيق والحب والسعادة في الدنيا .. فخور بأن أناديه ابني .. الله يباركك ويحفظك ويحفظ جميع الأطفال".

حديث محمد رمضان عن نشأته

ومن ناحية أخرى، كان قد تحدث محمد رمضان عن نشأته وسط عائلة مصرية بسيطة ولكنه وثق في حلمه حتى وصل إلى العالمية، مؤكدًا أنه نجم مصر والوطن العربي الأول.

محمد رمضان يهدي شابا سعوديا دعوة لحضور حفله في نيويورك

بكلمات مؤثرة .. محمد رمضان يحتفل بعيد ميلاد ابنته

أصبحت نجم الوطن العربي الأول

وأضاف رمضان خلال لقاء تليفزيوني أمريكي : "أنا مصري بسيط من عائلة بسيطة .. وكان عندي حلم ووثقت في ربنا وفي القوانين اللي حطها .. واتبعت القوانين لحد ما بقيت نجم مصر الأول ثم نجم الوطن العربي الأول .. وفي المرحلة الثالثة لقارة إفريقيا الآن وأصبحت نجم عالمي".

وتابع : "كنت بحفز نفسي بالقراءة .. وفي ناس ماتت ولكن أصحاب فضل عليا .. وأنا نمبر 1 ودي أول أغنية عملتها وكانت السلوجن بتاعي وده هدفي في الحياة .. وهدف كل رجل مصري بينجح .. وأغنيني دي صاحبة فضل عليا".