الأباصيري تهنئ الأهلي بعد الفوز.. وبهنسي ترد: «سنظل أوفياء»

وجهت الإعلامية هبه الأباصيري التهنئة إلى فريق النادي الأهلي وذلك بعد مباراة القمة التي جمعت بين فريقي الأهلي والزمالك، والتي انتهت بفوز الأهلي، قائلة: "بما إني الفتره الأخيرة بصراحة بحس ساعات إن أنا متلبساني روح شريرة، وإن الطيبة مش جايبة همها، فأحب أبارك لكل الأخوة الأهلاوية واللي أنا منهم، وأقول لهم ماتش امبارح كان ماتش عظيم ورائع وجميل ومبهج ويسعد القلب".

هارد لاك للأخوة الزملكاوية

وتابعت الأباصيري، خلال برنامج الستات مايعرفوش يكدبوا المذاع على شاشة قناة السي بي سي، "هارد لاك للأخوة الزملكاوية، اللي الأخت مها منهم... نفسي تفرحوا، حقيقة، بس هو الأهلي مفرحنا، هقول لكم إيه بقى؟ بهذه المناسبة، أقول للزمالك والله معلش، هارد لاك، وانت دايمًا صانع السعادة... بتخسر علشان تفرّح الفرقة اللي قدامك!"

في الآخر كلنا مصريين

وأضافت مازحة: "في الآخر كلنا مصريين يعني، مش هنختلف، بس الكورة كورة، والكورة جوان، والكورة مكسب وخسارة... بس أنا ساعات بميل إن الزمالك يكسب، لمجرد أدوّق طعم الاختلاف، ما أنا على طول مبسوطة! الله أكبر في عيني يا رب على طول مبسوطة، أنا وكل من قال آمين".

وختمت حديثها بتوجيه الشكر لفريق الأهلي: "نشكر حسين الشحات، نشكر كل فريق الأهلي، وجمهوره، وإدارته. الحمد لله رب العالمين، ويا رب كتر أفراحنا وعلى قد نيتنا أدينا".

سنظل أوفياء للنادي الزمالك 

من جانبها، ردّت الإعلامية مها بهنسي، مشيرة إلى ولائها الدائم للزمالك: "أنا شفت الماتش في بيتنا، وكنت أنا وأصحابي متجمعين واتفرجنا على الماتش، وفي الحقيقة، يعني... سنظل أوفياء، أنا مع الزمالك مهما حصل".

وبروح رياضية، قالت في ختام الحديث: "هارد لاك للزملكاوية، ومبروك للأهلاوية، دايمًا مفرحنا، ودايمًا القلعة الحمراء فوق".

وفي سياق أخر، كشفت الإعلامية مها بهنسي، عن أن الإعتماد على السوشيال ميديا يؤثر على نظرة الناس للزواج والعلاقات، مؤكدة أن كل مايوجد على وسائل التواصل الإجتماعي ليس حقيقيا، وهناك الكثير يدعون السعادة أمام الجميع، قائلة: "كل اللي على السوشيال ميديا مش حقيقي... ناس كتير بتدعي السعادة المطلقة، وده مش صح، بيتجملوا طول الوقت، لأن استحالة حد هيطلع يقول إنه بائس، إلا لو عايز يتسول.. وده موضوع تاني".