وبالوالدين احسانا .. اسما شريف منير فى تجمع مع عائلتها
شاركت الفنانة والإعلامية أسما شريف منير جمهورها بصورة عائلية دافئة، ظهرت فيها برفقة أفراد أسرتها خلال لقاء عائلي، وأرفقت أسما الصورة بتعليق مؤثر عبّرت فيه عن أهمية صلة الرحم والاهتمام بالعائلة.
ولاقى المنشور تفاعلًا واسعًا من متابعيها، الذين أشادوا برسالتها الإنسانية الداعية لرد الجميل للآباء والأمهات والتواصل المستمر معهم رغم ضغوط الحياة اليومية.
وجاء ذلك عبر بوست تم نشره على صفحتها الرسمية بمنصة "إنستجرام" قائلة : في وسط دوشة الشغل والحياة ساعات بنبعد عن أهالينا و بنفتكر كأنهم دايمًا موجودين. يمكن يكون في مشاكل او عدم تواصل يأو اختلافات بينا وبينهم، انتوا فاهمين قصدي جيلنا بالذات اهلينا كانوا ييرتجلوا في تربيتنا، رغم كل الزعل او الاختلافات، بس الحقيقة إن برّهم وصلة الرحم مش رفاهية، ده باب كبير من رضا ربنا.
ربنا سبحانه وتعالى قال: ﴿وَبِالْوَالِدَيْنِ إِحْسَانًا﴾ [الإسراء:23]، وربط عبادته ببرّهم. والنبي ﷺ قال: «من كان يؤمن بالله واليوم الآخر فليصل رحمه»، وقال كمان: «من أحب أن يُبسط له في رزقه ويُنسأ له في أثره فليصل رحمه».
يعني حتى مكالمة صغيرة، كلمة لطيفه، زيارة خاطف كده، أو دعوة بليل… كل ده عند ربنا عبادة عظيمة وبركة في العمر والرزق. وفي الآخر، إحنا اللي محتاجين رضاهم ودعوتهم أكتر ما هم محتاجينها.
وكان قد وجه الفنان شريف منير، كلمات مؤثرة لزوج ابنته أسما خلال عقد قرانهما، قائلًا: أهم حاجة أنك تحتويها لأن أسما تعبت وكافحت في حياتها ووقفت جانبي كتير.
وأضاف شريف منير ، هي تعتبر أم ليا لأن هي اللي بتوجهني ومش طالب منك أي حاجة غير أنك تحتويها لأني في يوم من الأيام همشي وعاوز أبقى مطمئن عليها.
كانت أعلنت الإعلامية أسما شريف منير، عبر حسابها الرسمي على موقع التواصل الإجتماعي إنستجرام زواجها وعلقت قائلة : أنا الحمد لله اتجوزت ، وده قرار جه بعد فترة طويلة من رحلة عشتها مع نفسي.
أسما شريف منير تعلن عن زواجها
وتابعت أسما شريف منير، من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات ما بقيتش بحبها ، فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود.
وداع سميحة أيوب
وعلي جانب أخر ودع الفنان شريف منير، الفنانة القديرة سميحة أيوب، التي رحلت عن عالمنا اليوم، بعد صراع طويل مع المرض، لتفقد الساحة الفنية أحد أهرامات المسرح العربي.
وكتب شريف منير عبر حسابه بموقع انستجرام :" تألمت جدا لما صحيت على خبر وفاة سيدة المسرح العربى الفنانة سميحة ايوب، معرفتى بيها كانت من زمان لكن علاقتنا اتعمقت وقت ما اشتغلنا مسلسل "إجازة مفتوحة" كانت بتجسد دور أمي ومن وقتها حصل بينا رابط جميل ،بقى بيني وبينها تواصل شبه يومي لدرجة انى لما اغيب عنها كانت تكلمني تقوللي فينك متقلقنيش عليك".
وتابع شريف منير:" مريت بفترة محن كنت فيها تعبان نفسيًا كانت اكتر شخص وقف جنبى ودايما تطمنى وتدعمنى، اللي كان مدهش فيها إنها رغم سنها كان دايما عندها قوة وعزيمة وحضور مبهر ووعى، كانت فى قمة الوعى والثقافة ،كانت تتكلم معايا عن ذكرياتها وعن وقوفها على المسرح وعن عروضها اللي شرفتنا بيها في فرنسا وبلاد تانية كانت فخر لينا كلنا، سابت لينا تاريخ كبير وذكريات عظيمة، ربنا يرحمك يا أستاذتى".
