المطرب محمد وحيد يعلن اعتزاله الغناء في هذا الموعد |فيديو
أعلن المطرب محمد وحيد أعتزاله الغناء في موعد أقصاه يوم 28 من شهر نوفمبر المقبل، وذلك من خلال بث مباشر عبر حسابه الرسمي على موقع التواصل الإجتماعي فيسبوك، مما جعل الجمهور يستغرب هذا القرار المفاجئ وبالتحديد أنه لم يعلن عن سبب الاعتزال.
اعتزال محمد وحيد الغناء
حيث قال محمد وحيد في ذلك الفيديو: “أخواتي وحبايب قلبي .. واحشتوني أوي أوي أوي .. عايز أقولكم خبر يارب بس ميضايقكوش .. أنا أسف ليكم جدًا جدًا جدًا .. أخر يوم ليا في الوسط الفني يوم 28 من شهر 11 .. ده آخر أوردر أنا هلعبه في الوسط الفني نهائي .. اتمنى أني مكنش خذلتكم .. وبشكركم جدًا أنتوا عمركم ما خذلتوني .. وكنتوا أجمل جمهور وأحسن ناس في الدنيا .. وبشكر الشخص اللي هو وصلني أني مش عايز أكمل في الشغل .. أنا بحبكم في الله .. وأتمنى أنكم تفضلوا طول العمر بتحبوني وأحبكم في الله .. من غير غنا ومن غير شغل .. أخوكم محمد وحيد وبقولكم هتوحشوني أوي أوي”.
آخر أعمال المطرب محمد وحيد
أما عن آخر أعمال المطرب محمد وحيد الغنائية، فكان ديو غنائي تحت عنوان “تعرف تمشي”، بالتعاون مع دعاء رشوان ومحمد عبد السلام، وجاءت كلماته على النحو التالي:
تعرف تمشي .. يعني يدوبك أغمض عيني وأفتح ملئكش في وشي
تعرف تمشي .. تعرف إيه اللي يهديني يا أنا أموت يا أنت متعشي
تعرف لما الحب يهينك وتحس إن في ناس كرهينك والدنيا تسود في عينك
وصلتني للحال ده معاك ليه خدتني من ناس حبتني ليه بتبيعني وليه بتِتْهَني
دي خيانتك صعبة تجنني والأصعب إني أنساك أنت قتلتني وبتعذبني
دلوقتي أحسن لك تمشي
تعرف تمشي .. غرتني بحبك وحنانك ولا ليلة منا بتفوت سبت الدنيا بحالها عشانك
اتاريني مبعتّش بموت أنت دخلت حياتي بكدبة أحسن لك تخرج بسكوت
تعرف لما الحب يهينك وتحس إن في ناس كرهينك والدنيا تسود في عينك
وصلتني للحال ده معاك ليه خدتني من ناس حبتني ليه بتبيعني وليه بتِتْهَني
دي خيانتك صعبة تجنني والأصعب إني أنساك أنت قتلتني وبتعذبني دلوقتي أحسن لك تمشي
