مشرف الأمن: مارست شغلي في الامتحان.. مش صح إني ساعدت يوسف يمتحن بدل رمضان صبحي

يستكمل موقع «نيوز رووم» نشر تفاصيل انفرده بشأن القضية المثيرة للجدل، التي حملت رقم 6407 لسنة 2025، والمتعلقة بقيام شخص بأداء الامتحان بدلًا من لاعب الكرة الشهير رمضان صبحي داخل معهد الفراعنة بالجيزة.

أقوال مشرف الأمن في واقعة رمضان صبحي 

وكشفت التحقيقات اعترافات صادمة للمتهم، الذي أقر باتفاقه مع اللاعب على دخول لجان الامتحانات بدلًا منه، مبررًا ذلك بانشغال رمضان صبحي بالتزاماته الكروية، الأمر الذي اعتبرته جهات التحقيق جريمة تزوير مكتملة الأركان.

وفي السياق ذاته، كشفت أقوال محمد إبراهيم  مشرف الأمن بمعهد الفراعنة العالى للسياحة والفنادق عن تفاصيل صادمة بشان الواقعة
 

س ما ظروف حالتك الاجتماعية تحديدا ؟
ج انا متجوز وعندى بنتين و ولدين وامى عايشة معايا واختى الأرملة وبنتها
 

س وما هو مؤهلك الدراسي تحديدا؟
ج انا حاصل على دبلوم صنايع.
 

س وفى اى عام تحديدا؟
ج عام ٢٠٠٥ تقريبا
 

س وماهي جهة حصولك على ذلك المؤهل الدراسي؟
ج انا حصلت على الدبلوم من مدرسة البدرشين الصناعية.
 

س: ما معلوماتك عن الواقعة محل التحقيق ؟
ج اللي حصل انى اثناء تواجدى بالمعهد لممارسة عملي كمشرف امن بالمعهد بناحية مدرج ٢٤ وتقابلت
مع ا/ احمد فتح الله وقاللي ان في مشكلة في مدرج ١٥ فرحت انا وهو ناحية مدرج ١٥ وهو كان معاه
ملف الطالب / رمضان صبحي ولما رحنا عند مدرج ١٥ لقيت ۱ احمد جمال مطلع اللي اسمه يوسف
من المدرج وواقفين على بابه وطلبو منى اني اطلع يوسف عند العميد فأنا فتشته لحسن يهرب منى ولا
حاجة وطلعت منه المحفظة بتاعته وتليفونه وعلبة السجاير وبعدين طلعنا عند مكتب العميد في الدور
التالت لأن الواقعة كانت في الدور الأرضی و فضلت واقف معاهم حوالى ۱۰ دقايق لحد ما أستاذ/ احمد
جمال اخد منى التليفون وقاللي روح انت شوف شغلك وانا رجعت المحفظة والسجاير ليوسف و رجعت
الشغلى علشان الفترة الثانية للامتحانات و بعدها على حوالي الساعة 3 العصر لقيت أستاذ / خالد امين عام
المعهد اتصل عليا وقاللى هات فرد امن معاك و تعالى علشان نسلم اللى اسمه يوسف للمركز وفعلا طلعنا
انا و فرد امن ونزلنا يوسف وركبناه عربية دكتور / عصام وراحو المركز بس انا مرحتش معاهم وروجت
وعلى الساعة ٤٣٠ تقريبا لقيت ا/ خالد اتصل بيا وبيقولى دكتور عصام عايزني في المركز و اتصلتبدكتور عصام فقاللي احمد بيه محى ظابط نائب المامور عايزني علشان يوسف قال كلام عليا و ساعتها
انا رحت لهم على المركز و هناك عرفت أن يوسف بيقول عليا انى بسهل دخوله للمعهد في الامتحانات
مكان الطالب رمضان صبحي واني على علاقة بيه والكلام دة مش صحيح ومعرفش هو قال عليا كدة
لیه و حجزونى في المركز و انهاردة جابوني على النيابة
 

س متى وأين حدث ذلك؟
ج انا كنت موجود في المعهد و تحديدا عند مدرج ٢٤ والكلام دة حصل امبارح ٢٠٢٥/٥/١٣ الساعة
الصبح تقريبا في معهد الفراعنة للسياحة و الفنادق.
س وما سبب ومناسبة تواجدك بالزمان والمكان سالفي الذكر ؟
ج انا كنت في شغلى كمشرف امن بالمعهد و بشرف على المعهد وقت الامتحان .
 

س وما هي بادرة تقابلك مع المدعو احمد فتح الله ؟
ج انا كنت بمر عند مدرج ٢٤ لما قابلت ا/ احمد فتح الله
 

س: وهل من ثمة حوار دار فيما بينكما انذاك؟
ج ايوة.
 

س: وفيما كان مضمونه؟
ج هو قاللي ان في مشكلة في مدرج ١٥ وكان معاه في ايده ملف باسم رمضان صبحي.
 

س وما التصرف الذي بدر منك انذاك؟
ج انا رحت على مدرج ١٥ علشان اشوف المشكلة اللى هناك.
 

س: وما الذي ابصرته تحديدا حال وصولك للوهلة الاولى؟
ج انا اول ما رحت مدرج ١٥ كان ا/ احمد جمال ماسك اللي اسمه يوسف وواقفين عند باب المدرج .
 

س : ومن كان برفقتك انذاك؟
ج انا كان معايا احمد فتح الله.
 

س: وهل من ثمة حوار دار فيما بينك وبيم المدعو احمد جمال آنذاك تحديدا ؟
ج ايوة.
 

س: وما كان مضمونه؟
ج هو قاللي خد يوسف طلعه مكتب العميد في الدور التالت
س وما التصرف الذي بدر منك ؟
 

ج انا اخدته و طلعنا الدور التالت عند مكتب العميد ومعانا احمد جمال واحمد فتح الله.
ج ايوة وهل انا من فتشته ثمة تفتيش انصرف الى شخص المدعو يوسف آنذاك تحديدا.

س: وما الذي أسفر عنه ذلك التفتيش
ج انا وقتها طلعت منه محفظته و تليفونه المحمول 
س وما سبب قيامك بتفتيش سالف الذكر ؟
ج علشان انا كنت خايف يهرب منى فكنت عايز اطلع اثبات شخصيته.