عائشة بن أحمد: أبويا علمني أكون مستقلة ومعتمدش على راجل ومأمنة نفسي طول الوقت
كشفت الفنانة عائشة بن أحمد، أنها تعلمت أن تكون مستقلة ولا تعتمد على رجل، ولذلك حريصة على أن تأمن نفسها طوال الوقت.
عمري ما اعتمدت أن راجل يأمن مستقبلي
وقالت عائشة بن أحمد خلال لقائها في برنامج أسرار النجوم على إذاعة نجوم إف إم، ردًا على سؤال الإعلامية إنجي علي: “بتحبي توفري الفلوس ولا تصرفيها؟": “في موضوع الفلوس غريبة جدًا ممكن أصرف زي المجنونة في حاجات عبيطة، وفي حاجات أقول لا مينفعش أجيبها وأنا لوحدي، لأن أنا أبويا رباني أكون مستقلة ومعتمدتش على راجل، حتى لو اتجوزت راجل كريم لازم أكون مأمنة نفسي، وأنا بعتمد على نفسي طول حياتي، عمري ما اعتمدت أن راجل يأمن مستقبلي”.
وأضافت عائشة بن أحمد: “ودايمًا لو بأفور في الصرف، النور الأحمر بيقولي خلي بالك أنتي لوحدك، فبقول مش هصرف كتير، وساعات تجيلي حالة هستيرية واصرف على البيت أوي، لكن في كل الأحوال اتعلمت أأمن نفسي وبس”.
وعن رأيها في البرندات: “معنديش عقدة من إني أكرر لبس الاوت فيت في أكتر من مناسبة وعقدة أني البس براندات، الحياة أبسيط من كده بكتير، الناس اللي تفكيرها كده سطحية، لو حاجة عجباكي وانتي عاوزة تجيبها تمام، لكن مش لازم تبقي لابسة كده علشان منظرة، الحياة ابسط من كده، وحبي الحاجة اللي هتجيبيها حتى لو بملايين، لكن مينفعش الحياة والتفكير وطاقتنا تضيع في كده، في حاجة اسمها تناسق وذوق حلو ممكن تلبسي حاجات مش غالية وتبقي زي القمر”.
