محمود سعد من داخل ضريح شيخ المجاهدين عمر المختار: انتظروني في لقاء مع أحفاده

أعرب الإعلامي محمود سعد ، عن سعادته بزيارة ضريح شيخ المجاهدين عمر المختار في بنغازي، ومقابلة أحفاده، وإجرءا مهم لقاء صحفي، سيعرض قريبا.

وشارك محمود سعد جمهوره عبر حسابه الرسمي على انستجرام، مجموعة صور من ضريح شيخ المجاهدين عمر المختار، قائلا: اتشرفت جدا بزيارة ضريح شيخ المجاهدين عمر المختار في بنغازي، وكنت سعيد الحظ أني قابلت أحفاده وصورت معاهم لقاء مطول هتشوفوه قريب ان شاء الله.

وتابع: سعدت جدا كمان بلقاء الصديقة العزيزة رزان مغربي اللي كانت بتزور الضريح في نفس الوقت.

وفي ذات السياق وصل الإعلامي محمود سعد إلي مطار بنغازي منذ قليل، حيث نشر مقطع فيديو عبر حسابه الرسمي على موقع تبادل الصور والفيديوهات إنستجرام، وقال خلال الفيديو: “مبسوطين ببنغازي .. ولسه بنستكشفها.. هما أخدونا من المطار ودونا أوتيل قريب 4 دقائق من المطار .. ومعانا أخونا عدنان هو سائق من المراسم .. هيودينا للمناراة .. أنا طلعت قعدت في الأوتيل شوية وبعدين نزلت .. نشوف بنغازي .. لأني أول مرة أجي بنغازي .. تعالوا نشوف بقى ايه الحكاية .. كل ما أشوف حاجة هوريهالكم”.

محمود سعد يوجه رسالة إلي أنغام 

في سياق منفصل، حرص الإعلامي محمود سعد على توجيه رسالة خاصة إلى النجمة أنغام عبر حسابه الرسمي بموقع التواصل الإجتماعي فيس بوك، وذلك بعد إعادة نشره التسجيل الصوتي لها بعد عودتها من ألمانيا، وأعرب فيها عن اشتياقه لصوتها سواء في الغناء أو حتى في حديثها مع جمهورها، حيث قال في منشوره: “والله وحشنا صوتك يا أنغام.. سواء بتتكلمي أو بتغني.. كلمي جمهورك وناسك وأهلك، وإن شاء الله قريب نسمعك بتغني لجمهورك وناسك وأهلك يا صوتنا الجميل.. عارفة ليه؟ لأن انتي بنت الناس.. وأخت الناس.. واحدة من العيلة طول الوقت.. لا.. انتي نجمة العيلة”.

تحضيرات محمود سعد لـ فيلم درويش

على جانب آخر، تحدث محمود سعد عن تحضيراته لـ فيلم درويش: “وليد قالي في صبغة بمجرد ما تغسل شعرك بتروح .. مصدقتوش .. كلمت المزين بتاعي أنور وسألته وقالي أن فعلا في كده .. روحت لاقيت كرفان وكوافير وجايبين صورة ليا في 2005 وقاعدين بيعملوا كل حاجة زيها .. كنت عمال أضحك ومش فاهم بيعملوا ايه .. اتاريهم بيرجعوني 20 سنة لورا .. روحت عملت المشهد مع يسرا .. مكنتش عارف اسم الفيلم بس شوفت عمرو يوسف وسلم عليا .. فعرفت أنه بطل الفيلم .. بس أنا معرفش حد .. كنت رايح ضيف شرف”.

وعن المخرج وليد الحلفاوي، قال محمود سعد: “مش ممكن في التزامه .. كنت مفهمه أني مش بنزل في رمضان .. قالي تحب ترجع امتى .. قولتله لو الساعة 1 ظهرًا يبقى زي الفل .. أنا وصلت 11 اللوكيشن قبل 1 كنت مروح .. أنا صغروني ويسرا كبروها لأنها طالعة كبيرة في الفيلم .. قولتلها أنتي عجزتي وأنا صغرت .. قالتلي لا يا محمود أنت مصغرتش .. أنا شوفتك كتير أوي وأنت زي ما أنت يا محمود”.