اليوم.. نظر ثاني جلسات محاكمة طفل المرور لاتهامه بالتعدي على طالب بالمقطم

تنظر محكمة جنح المقطم، بمجمع محاكم زينهم،  اليوم الأربعاء ثاني جلسات  محاكمة أحمد أبو المجد المعروف إعلامياً بطفل المرور وآخرين لاتهامهم بالتعـدي على طالب وإصابته.

إحالة المتهم إلى محكمة الجنايات

وكانت جهات التحقيق قررت إحالة المتهم إلى محكمة الجنايات، وذلك بعد الانتهاء من التحقيقات وإثبات تعاطيه للمواد المخدرة، وتم تحديد موعد 3 سبتمبر أولى جلسات المحاكمة.

إخلاء سبيل طفل المرور
 

ووكانت نيابة المقطم، المنعقدة بمجمع محاكم زينهم، قررت في وقت سابق، إخلاء سبيل "أحمد. أ"، المعروف إعلاميًا بـ"طفل المرور"، في القضية المتهم فيها بالتعـدي على تلميذ وإصابته، بكفالة مالية بلغت 20 ألف جنيه.

وكشف نص التحقيقات الذي انفرد به موقع« نيوز رووم» أقوال  المتهم أحمد ابو المجد الشهير إعلاميًا بـ"طفل المرور"، والذي تم ضبطه على خلفية واقعة اعتداء باستخدام عصا أمام إحدى المدارس بمنطقة المقطم على أحد الأشخاص.
 

اعترافات طفل المرور أمام النيابة
 

وجاءت اعترافات المتهم أمام النيابة العامة كالتالي:

س ما هي تحديداً تلك الخلافات واسبابها؟

ج هو طوني شريف قالي ان المجني عليهم دول عاكسه اخته ولما قابلهم علشان يعرف فيه ايه ضربوه فكلمني علشان نروح نشوف الموضوع

س وهل تحرر عن تلك الواقعة المشار اليها ثمة محاضر ؟
ج معرفش

س صف لنا ما هي بادرة تقابلكم والمجني عليهم؟

ج انا كنت قاعد مع صاحبي إبراهيم على كافية بنفطر جالي تليفون من واحد صاحبي اسمه طوني قالي ان اخته  روزاليندا حد عاكسها وانه ادخل علشان يشوف الموضوع والعيال ضربوه وانه عايزني اقابله قدام المدرسة بتاعت العيال فقلتله طب ابعتلي لوكيشن وانا جايلك وبالفعل بعث لوكيشن وحدت صاحبي اللي كنت قاعد معاه واتحركنا بعربيته عالمكان وأول موصلنا قابلت طوني ركب معانا العربية وقالي امشي قدام شويه العيال واقفين قدام فمشينا بالعربية لحد موصلنا للعيال

س وما التصرف الذي بدر منكم وقت ذاك؟

ج اول مطوني شاور لنا عليهم وقفنا بالعربية قدامهم ووانا نازل شفت عصايا في شنطة العربية بتاعت إبراهيم فخدتها ونزلنا أنا وطوني وإبراهيم انا لقيت طوني دخل يضرب فيهم فدخلت انا كمان ضربتهم بالعصايا وكنت بلوش مش قاصد اعور حد ولقيت من غير مقصد العصايا جات في وش واحد منهم ووقع عالارض فاول مشفت كذا انا وطوني ركبنا العربية مع إبراهيم وجرينا

س ومن اين تحديداً تحصلتم على تلك الأسلحة سالفة الذكر ؟

ج هي العصايا كانت مع إبراهيم صاحبي في عربيته وانا شفتها وخدتها ضربت بيها العيال

س وهل اعدتم تلك العصا قبيل الواقعة؟

ج لا هي كانت مع إبراهيم صاحبي في عربيته

س وما سبب تعديكم على المجني عليهم أنذاك؟

ج: انا لقيت طوني شريف صاحبي اول موصلنا عند العيال نزل مسك فيهم فانا نزلت وراه اتخانقت معاهم وضربتهم

س صف لنا ما هو موضع إصابة المجني عليهم ومن محدثها وبأي شيء احدثها ؟

ج انا معرفش بالظبط هما اضربه في انهي أماكن بس طوني كان بيضرب بايده وانا كنت بضربهم بعصايا بيسبول خشب كانت مع صاحبي إبراهيم في عربيته وضربت بيها العيال

س وهل قصدتم تلك المواضع المشار اليه سلفاً؟

ج: لا احنا كنا بتلوش

من وهل من ثمة اعمال مقاومة صدرت من المجني عليهم أنذاك؟
ج هما ضربونا برضه

س وهل نتج بكم ثمة إصابات أنذاك؟
ج لا

س وما هي الإصابات التي لحقت بالمجني عليهم جراء هذا التعدي؟

ج معرفش انا واحد منهم بس خبطه على راسه بالعصايا من غير مقصد ووقع عالارض

س وما قولك فيما جاء بالمقاطع المرئية المذاعة عبر مواقع
التواصل الاجتماعي وكذا ما طالعته النيابة العامة في هذا الشأن والثابت تسجيلهم للواقعة قيد التحقيقات (أطلعناهم)؟

ج هو ده اللي حصل فعلا وانا اللي كنت ماسك العصايا وبلوش بيها وجات في وش واحد من العيال وقع عالارض وأبو اسود ده هو طوني شريف وكان بيضرب العيال بايده وإبراهيم هو اللي كان سابق ونزل وقع جمينا بس معملش حاجه

س وما هي كيفية ضبطك تحديدا؟

ج انا لقيت المباحث جايه علي بيت جد صاحبي في مدينة نصر خدوني

س ومن القائم على ضبطك تحديدا؟

ج ضابط من المباحث ومعاه امناء

س هل من ثمة اعمال تفتيش انصرفت لشخصك أنذاك؟

ج : ايوة

س وما الذي اسفر عنه ذلك التفتيش تحديداً؟

ج هما خده مني تليفوني ماركة ايفون

س ملك من المضبوطات المعروضة عليك ببكورة التحقيقات؟

ج العصايا دي زي اللي كانت مع ابراهيم فالعربية بتاعته والموبايل بتاعي

س ما قولك فيما جاء بأقوال المجني عليهم استدلالاً وكذا ما شهدوا به حال سؤالهم بتحقيقات النيابة العامة (تلونا اقوالهم عليه تفصيلاً)؟

ج هو ده اللي حصل بس انا مكنتش قاصد اعمل كل ده.