شمس البارودي ترد على منتقديها بسبب صورها مع زوجها: اديني اتحرمت من حبه ودلعه
ردت الفنانة المعتزلة شمس البارودي على انتقادات البعض بعد نشرها عدد من الصور تظهر فيها وهي تجلس على قدم زوجها الراحل.
وكتبت شمس البارودي عبر حسابها الشخصي بموقع فيسبوك: “طيب طالما نسيتكم صورتي وأنا قاعدة على رجل زوجى بطلب منه لما مايكنش ليا مكان في الصورة واضح. وهو حبيبي عاوزني في الصدارة دايما يقولى تعالى هنا اقعدى على رجلى بحسن نية”.
وأضافت شمس البارودي: “أنتم ليه بقى البعض أفكاركم خبيثة وبيكررها عادي. تجمعات العائلة وأنا ملخومة في ضيافة الأهل وتقديم ما لذ وطاب. عمايل إيديا ينده لي حبيب عمري اقعدي هنا في الصورة. مزعلاكم قوى بلاش نفاق وكذب يا معترضين على حب ودلع زوج لزوجته”.
وأضافت شمس البارودي: “نسيتوا قانون الإيجار وأحدث غزة ومزعلكم جمال قصة حبنا. طيب أنا عندى صورة تانية كمان حتزعلكم قوس حتحفكم بيها قريب وللعلم احنا غلطانين اننا قلنا سننا احنا يا جماعة في حبنا اصغر من سننا عشرات السنين. ولا ده عيب كمان. يعنى انا يا دوب في الاربعين وحبيبي لسه معدى الخمسين. إيه رايكم. دام فضلكم”.
عيشوا الروحانيات بمشاعركم بلاش الأفكار الخبيثة
وأكملت: “عيشوا الروحانيات بمشاعركم بلاش الأفكار الخبيثة يا وحشين> وعموما اديني اتحرمت من حبه ودلعه وكل ذكرياتي لا تخالف التزامي وحبي وطاعتى لله ورسوله ومفيش داعي اذكر مخالفات المنافقين واظهارهم غير مايبطنون منا. شفت كتير فلا تتقولوا على. أنتم عارفين انفسكم يامن تلونون الدين على هواكم ** أما أحبابي وحشتونى بكتب من العربية راجعه الساحل أكمل الاصلاحات وحبيبي ضنايا عمر معايا بإذن الله”.
