أسما شريف منير تكشف دور زوجها في خطوة ارتدائها الحجاب
أعربت أسما شريف منير عن سعادتها البالغة بدعوات الجمهور ودعمهم بعد ارتدائها الحجاب، كما كشف عن مدى دعم زوجها وابنتها لارا لها في اتخاذ هذ الخطوة وتجشيعهما لها.
وقالت أسما شريف منير عبر حسابها بموقع إنستجرام: “شكرًا من أعماق قلبي على كل المباركات الحلوة دي. يا رب تكون الدعوات تكون دي من نصيبي لأنها بصراحة دعوات كتير. ولو من نصيبي يبقى أكيد ربنا هيثبتني. ومبسوطة بالخطوة دي وبدعمكم. ومكنتش أتخيل ده من ناس كتير حواليا”.
وأضافت أسما شريف منير: “كل الناس داعمة جدًا ليا وقالت لي كلام حلو أوي. وقالوا لي كلام خلاني متأكدة من قراري. والقرار المرة دي نابع من جوايا”.
كما كشفت أسما عن دعم ومساندة زوجها وابنتها لها حيث قالت: “مش هنكر أن جوزي ساعدني لما قلت له. وكان داعم ليا وده بيفرق أوي لما جوزك يكون بيدعمك وموافق على القرار وبيحسسك أنك عاملة حاجة حلوة. ونزل معايا علشان اشتري لبس علشان امشي نفسي اليومين دول”.
وتابعت: “لارا بنتي كانت من أهم الداعمين لي وخلتني ما اتردتش. وربي يجلعها من البنات الصالحات ويجي في وقت تتحجب. كانت داعمة ليا وفرحانة بيا بصراحة الحمد لله. ويا رب القرار ده يفتح نفس ناس كتير على الخطوة دي. وربنا يثبتنا جميعا. وأنا زي ما أنا مفيش حاجة اتغيرت. حاسة براحة ومبسوطة وفخورة جدًا”.
ووجهت ابنة أسما رسالة لوالدتها تعبر بها عن فخرها الشديد وقالت: “أنا محظوظة بأم ليست جيدة بل عظيمة، ليست ناضجة بل حكيمة، ليست جيدة بما يكفي بل أكثر من كافية، ليست الحد الأدنى بل متفوقة، ليست مجرد أم بل صديقة وأخت ومديرة ومستشارة وكل الأشياء الجيدة”.
