صوتي ماطلعش.. عمرو يوسف يروي تفاصيل أول مشهد جمعه بـ نور الشريف |فيديو
كشف الفنان عمرو يوسف تفاصيل أول مشهد جمعه بالفنان نور الشريف في مسلسل الدالي، وذلك خلال استضافته في حلقة من بودكاست «فضفضت أوي»، المعروض على منصة “watch it”.
وقال عمرو يوسف، إنه شعر بالخوف الشديد والتوتر حتى أنه لم يستطع التحدث، حيث قال: “قبل المشهد بدأت أحس بتوتر بسيط وقبل ما نبدأ بتلات دقايق كنت مذاكر ومفيش أي حاجة. ولقيت ضربات قلبي خفيفة ومش عارف مالي. وأنا بعمل المشهد مطلعش ليا صوت. ولقيت نفسي بعرق. رغم أن علاقتي بأستاذ نور كويسة. وكان بقالنا فترة بنعمل بروفات تربيزة".
وأضاف عمرو يوسف: "لما جيت أمثل قدامه الكلام راح مني خالص. وقلت له معلش هدخل الحمام دقيقة واحدة. دخلت الحمام بصيت في المرايا وهزقت نفسي. وقلت في ايه مالك وفتحت الحنفية وغسلت وشي وعملت المشهد. بعد دقيقتين تلاتة قال لي احنا جاين بكره وممكن نصوره بكره مش لازم النهارده.. فاجئني بذوقه الشديد. وقد إيه مش معقول الرجل ده كان استثنائي”.
في سياق آخر، كشف الفنان عمرو يوسف موقف غريب له مع مُعجبة، حيث أنه كان يفاجئ بفتاة ترسل له رسائل بشكل منمق، حتى تزوج ففاجئه بسيل من الشتائم، حيث قال: "كانت بتعت لي رسايل ومش عارف بتجيب الكلام ده إزاي. أحلى كلام ممكن يتقال في العالم. رومانسي ومنمق ولغة عربية حلوة جدًا. وأول ما اتجوزت شتمتني بالأب والأم وبعتت شتمت كندة. وعمري ما رديت عليها حتى لما شتمتني”.
