بعد وفاة لاعب كاراتيه نتيجة ضربة في الصدر.. إسعافات أولية واجب إتباعها
توفي الشاب يوسف أحمد مصطفي، أحد اللاعبين الشباب في لعبة الكاراتيه خلال أحد المباريات، وذلك بعد تلاقيه ضربة عنيفة في منطقة الصدر، بالقرب من القلب مما أدي إلي التدخل الطبي السريع ولكن رغم ذلك تعرض اللاعب لسكتة قلبية مفاجئة بعد عمليات إنعاش متكررة.
كشف محمد صابر ممارس عام، عبر حسابه الشخصي على موقع التواصل الأجتماعي الفيسبوك، بعض الأمور التي تتعلق بسبب وفاة الشاب يوسف أحمد مصطفى الحياة، أحد اللاعبين في لعبة الكاراتيه.
وكتب محمد صابر في منشوره على السوشيال ميديا:"شفت امبارح فيديو لاعب الكاراتيه الله يرحمه
زميله ضربه ضربة قدم أمامية في منتصف صدره فسقط الولد بعد ثواني قليلة، الحقيقة التفسير الأقرب للي حصل إن الولد دخل في رفرفة بطينية Ventricular Fibrillation، فيما يعرف بحالة Commotio Cordis دي كلمة لاتينية بمعنى Agitated Heart، يعني القلب المتهيج، اللي بيحصل فيها إن ضربة متوسطة القوة بتضرب الصدر في المنطقة اللي تحتها القلب (صورة رقم ١ و٢) الضربة بتحصل في مرحلة من رسم القلب اسمها T wave upstroke، دي مرحلة عضلة القلب بتحاول ترجع لتعادلها الكهربي بعد النشاط لكن بتجيلها الضربة فبتحفز نشاط كهربي غير منتظم اسمه الرفرفة البطينية".
أضاف:"الرفرفة البطينية هي نوع من الأربع أنواع المعروفة لتوقف القلب، وقد كان القلب وقف عن ضخ الدم والمريض هنا بيموت الأمريكان مسجلين ٢٠٠ حالة Commotio Cordis حتى الأن وعملوا بالفعل رابطة لتتبع وبحث هذه الحالات، الحالة دي بتحصل عند تعرض الصدر لضربة غير نافذة (خبطة يعني) مش هتؤذي القلب لكن هتحفز الرفرفة البطينية".
أضاف:"الحكاية دي ممكن تحصل مع الرياضات القتالية لكن في أمريكا بتحصل مع رياضة البيسبول لما اللاعب يتخبط بالكورة أو أي رياضة شبيهة، جسم مكور خفيف خبط بسرعة عالية في منطقة القلب. ممكن برضه تحصل أثناء الشجارات العادية بوكس في المنطقة دي شلوت أو ضربة قدم في الكاراتيه أو الكونج فو أو القتال المختلط".
وقدم محمد صابر ممارس عام، بعض النصائح الضرورية والإسعافات الأولية عند التعرض لهذا الموقف لابد من القيام ببعض الأمور كان أهمها:
- لابد من كل شخص متواجد في الملعب يكون مدرب على مهارات إسعاف الحياة الأساسي Basic Life Support (BLS)، ومعه شهادة التي تجدد كل عامين بإختبار حقيقي.
- الشخص المدرب يجب أن يجري على المصاب الساقط على الأرض حتى يتأكد من أن النبض و توقف القلب فعلا، وقال الممارس العام:" هيصرخ صرخة لتفعيل خدمة الطوارئ، يفتح ممر الهواء بحركة معروفة اسمها Head-Tilt Chin-Lift صورة رقم ٣، يبدأ ضغط على الصدر Chest Compression لمدة ٣٠ عدة لو هو بالغ ولمدة ١٥ عدة لو هو طفل (صورة رقم ٤)، يوقف ضغط على الصدر ويقفل أنف المريض ويديله نفسين متتاليين كل نفس مدته ثانية وبين النفسين ثانيةصورة رقم ٥."
أستطرد: هيرجع يكمل نفس الدورة تاني لحد ما تيجي المساعدة، هنا هيقوللي واحد صاحي: طب وبالنسبة للرفرفة البطينية دي حلها ايه؟حلها الوحيد هو جهاز الصدمات الكهربية الأوتوماتيكي AEDصورة رقم ٦ و٧، يعني هتشتغل على المريض لحد ما يجيبوا الجهاز، طبعا مش محتاج أقولك إن الجهاز ده المفروض يكون فيه أكتر من قطعة منه في أماكن التجمعات زي النوادي والمساجد الكبيرة والمدارس والجامعات، إن العاملين بالمكان يكونوا متعلمين ازاي يستخدموه، إن الأجهزة تكون متاحة ومش مقفول عليها وشغالة فعلا وبتتفحص مع بطارياتها كل فترة شغالة ولا لأ، الجهاز هيتوصل بالمريض وهو هيقولنا في رفرفة ولا لأ ولو فيه فهيديله شحنة كهربية بجرعة معروفة لمحاولة إرجاع القلب لكهربته العادية،
هيدينا ٣ نتايج:ريزم طبيعي والمريض رجع ومش شرط يفوق في الحال، لسه فيه رفرفة وساعتها هنشتغل دورة ضغط ثم يعيد الشحنة، رسم القلب على الجهاز رجع على خط مستقيم ودي حالة توقف قلب مش محتاجة الجهاز ومحتاجة ضغط مستمر في دورات لحد ما يرجع أو نعلن الوفاة أو نوصل لمكان فيه فريق طوارئ يقدر يقدمله إسعاف قلبي متقدم Advanced Cardiac Life Support (ACLS) ودي ما ينفعش غير دكتور اللي يعمله لو المريض رجع ولسه الإسعاف ما وصلش لازم نحط المريض في وضع الاستشفاء
Recovery Positionصورة رقم ٨."
وأوضح محمد صابر ممارس عام في منشوره على الفيسبوك كيف نستطيع تجنب الوصول إلي هذه الحالة من خلال: "ينصح الأمريكان اللاعبين أن يتجنبوا الكور المباشرة وكذلك الضربات المباشرة، ارتداء واقي الصدر Protective Gear ده مثلا (صورة رقم ٩)، بالرغم إن أبحاثهم بتقول إنها مش بتفرق كتير لأن الخبطة أصلا بتكون متوسطة مش عنيفة، اللي هيلعب اللعبة دي يهتم بتنمية عضلات صدره علشان تكون هي الواقي الرئيسي للقلب، لو رجع المريض هيتنقل فورا للمستشفى، يقوم طبيب قلب بفحصه بالكامل. يبدأ يدور على أمراض متعلقة بكهربية القلب مثل متلازمة شهيرة اسمها متلازمة برجادا
الأمريكان بيقولوا إن اللاعب لو طلع مفيهوش حاجة يقدر يرجع للعبة تاني مع أخذ الاحتياطات اللازمة وتعلم الإسعاف الأولي طبعا."
