وصفة سحرية.. سماح أنور تكشف السر وراء عدم ظهور علامات التقدم بالعمر
كشفت الفنانة سماح أنور سر الشباب وعدم ظهور علامات التقدم في السن على الإنسان، مشيرة إلى أن العامل الأساس وراء ذلك هو عدم الانتظار.
عدم الانتظار سر الشباب والحيوية
وقالت سماح أنور في فيديو عبر حسابها الشخصي بموقع فيسبوك: “ليه في ناس بيبان عليها السن وناس لأ. الوصفة السحرية اللي موجودة عند كل حد مش محتاجة دكاترة.. هي عدم الانتظار.. لما تستنى أي حاجة. الوقت بيكون بطيء وبتحس بالوقت وأول ما بنحس بالوقت بينتصر علينا وبيكون هو الماستر بتاعنا وبيضع أثار الانتظار علينا. والشخص بيظهر عليه العجز والزعل والصحة بتقل والخلق بيضيق لأنه مش بيعمل حاجة ومعطل نفسه وقاعد مستني الوقت”.
الوقت والزمن مالهمش وجود
وأضافت سماح أنور: “الوقت والزمن مالهمش وجود. إحنا عملنا الوقت علشان نعمل مواعيد ونعرف نتقابل، لكن لو عندي حاجة بعملها ومشغولة بتفقدي الاحساس بالوقت لأن روحك مالهاش سن ولا حدود ولما تكون موصول بروحك كل حاجة بتحصل بتكون سحر. انجازاتك سحر. وشلك سحر. وكل حاجة فيك مبهرة للآخرين”.
وتابعت سماح أنور: “الروح لما تكون مشغولة بإنجاز أشياء تفيد بيها نفسها والناس بتكون عكس الروح اللي منتظرة. الشباب والروح الحلوة الطيبة البريئة الشريفة الراقية والجميلة هتظهر عليك لما تكون موصول بروحك بشكل حقيقي. ولما تبقى رايح مع روحك هتكتشف انك بتصغر شكلا لأن روحك موصولة بجسدك”.
