كفاية تنظير وفزلكة .. مي عمر تهاجم مخرج شهير بسبب التريندات
أثارت النجمة مي عمر الجدل بمنشور مثير ، عبر حسابها على موقع التواصل الاجتماعي فيس بوك .
وكتبت مي عمر :" زميل ، وكنت بعتبره صديق عزيز، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد ،والبوست كان كله بقى: "الترند مش هدف الشغلانة" و إحنا بنشتغل عشان الفن مش الأرقام. كلام تنظير وفزلكة على أعلى مستوى. وأنا ساعتها قلت مش هرد، وكنت سايبة الأيام تكشف".
تابعت :" عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس
أَضافت :" وفعلاً... مكدبش خبر! أول ما مسلسله دخل التريند، بقى بيشارك فرحان إنه "رقم واحد". الله! هو الترند كان وحش في رمضان وبقى جميل دلوقتي ، طبعا أنا مش ضد إن أي حد يفرح بنجاحه... بالعكس مبروك والله، ومن حقك تفرح وتشارك لإن ده تعبك ومجهودك. بس ياريت نبطل المنظر بتاع: "أنا مختلف... أنا فوق الترندات" وبعد كده أول ما نقرب منها نطير من الفرح وننشر 20 ستوري.
تابعت :" وأنا عارفة إن أي حد يعرفني كويس هيستغرب من كلامي، لأني عمري ما رديت على حد. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟
اختتمت :" في الآخر... الترند مش هدف غير لما يبقى معانا للتوضيح، كلامي مش موجّه لأي نجوم شاركوا في العمل بالعكس أنا بقدّرهم وباحترمهم علشان ماحدش يفهمني غلط".
مي عمر :
احتفلت الفنانة مي عمر بعيد ميلاد زوجها المخرج محمد سامي، حيث نشرت صورًا تجمعهما سويًا عبر صفحتها الرسمية بموقع فيس بوك، ووجهت له رسالة حب وامتنان.
وعلقت مي عمر على الصورة برسالة رومانسية إلى زوجها محمد سامي، حيث كتبت: “إلى الرجل الذي يرسم البسمة على وجهي كل يوم.. عيد ميلاد سعيد يا حبيبي. أنت ملاذي الآمن، قوتي، وسندّي الدائم”.
مي عمر ومحمد سامي
كما أهدت مي عمر هدية ثمينة لزوجها محمد سامي في عيد ميلاده، حيث أهدته ساعة فاخرة من دار Patek Philippe السويسرية، ونشر سامي عبر حسابه الشخصي بموقع تبادل الصور والفيديوهات "إنستجرام" مقطع فيديو للهدية، التي بلغ ثمنها نحو 68 ألف و900 جنيه استرليني، أي ما يعادل حوالي 4 ملايين و500 ألف جنيه مصري، معلقًا: "شكرًا لكِ على هدية عيد الميلاد الجميلة".
