سيد الطيب يكشف لـ نيوز رووم ملابسات تعرض ابنته لالتهاب بسبب الإندومي
تداولت خلال الساعات الأخيرة بعض الأنباء عن تعرض ابنة الفنان سيد الطيب لالتهاب حاد بسبب تناولها الإندومي، وتواصل موقع نيوز رووم مع الفنان سيد الطيب لنطمئن على صحة ابنته حاليًا.
تفاصيل تعرض ابنة سيد الطيب إلي وعكة صحية
فقال الفنان سيد الطيب في تصريحات خاصة لـ موقع نيوز رووم: “أنا بنتي اتعرضت لوعكة صحية شديدة بسبب الزفت الإندومي .. بنتي علطول بتاكل إندومي واتفاجئنا أنها تعبت جدًا .. واتنقلت إلي المستشفى .. اكتشفنا أن عندها التهاب في المعدة .. وانيميا حادة بسبب الإندومي .. منه لله أي شخص بيساهم في صناعة الإندومي أو تصديره لمصر .. بتدمروا ولادنا”.
نصيحة سيد الطيب
وقدم الفنان سيد الطيب نصيحة لمتابعي موقع نيوز رووم قائلًا: “حافظوا على ولادكم .. قطعوا الإندومي ده بيدمر صحتهم .. ربنا سترها مع بنتي المرة دي”.
اعتزال سيد الطيب
في سياق منفصل، قد اعتزل الفنان سيد الطيب الفن منذ عام 2019، واتجه لمشاريع المقاولات، وعن سؤاله عن السبب في إحدى البرامج التليفزيونية علق قائلصا: قائلًا: “لقيت زمايل ليا أحسن مني .. واشتغلوا قبل مني بكتير وناس كويسة .. لكنه معاه روشتة مش قادر يجيب العلاج بتاعها .. أنا معايا ست اطفال ولقيت أن مينفعش الأنانية تاخدني .. وأن أنا عشان احقق ذاتي وابقي ممثل كبير ومشهور والعيال متترباش كويس .. ولادي مذنبهمش حاجة لازم يسكنوا في حتة كويسة ولازم يركبوا عربية كويسة .. لازم يكون عندهم شالية كويس ولادي .. لازم يلبسوا كويس وياكلوا كويس يعيشوا كويس وأمنلهم مستقبلهم”.
وأضاف الفنان سيد الطيب قائلًا: “مينفعش كل ده من خلال الفن .. الفن مبيديش .. واللي بياخدوا التورتاية مجموعة هما اللي القنوات بتطلبهم والموزع بيطلبهم .. لكن الناس اللي تحت مبياخدوش حقهم .. محدش بياخد الاجر اللي يعيشه وبيبقي في إجحاف”.
الأدوار لم تبرز موهبته
وأوضح سيد الطيب في إحدى لقاءاته السابقة عن مساحة أدواره الثانوية: “مساحات أدواري مأبرزتش موهبتي .. أنا في مسلسل اسمه الإعصار سنة ١٩٩٧ جابوني بدل محمد سعد .. وفي مسلسل أهل الرحمة جابوني بدل محمد شرف .. وكان وقتها شرف متنجم وكويس .. وفي يا ورد مين يشتريك برضو جابوني مكان محمد شرف .. وكان إخراج أستاذ أحمد توفيق والمخرجة رباب حسين .. أنا عملت شغل كويس وراضي عنه”.
