بعد ظهورها في حفل كايروكي وتولييت أمس.. أنغام توجه الشكر لجمهورها
وجهت الفنانة أنغام رسالة شكر إلي جمهورها الحبيب خاصة بعد ظهورها في حفل فرقة كايروكي وتولييت مساء أمس ضمن فعاليات مهرجان العلمين الجديدة، حيث نشرت صور لها من داخل الحفل عبر خاصية الأستوري على حسابها الشخصي على موقع تبادل الصور والفيديوهات إنستجرام، وعلقت قائلة: “ألف شكر .. فعلًا حفلة ماتتنسيش”.
الظهور الأول للمطربة أنغام
ويعتبر هذا الظهور هو الاول لـ أنغام بعد عودتها من ألمانيا، بعد رحلة علاج من وعكتها الصحية الأخيرة، وذلك من خلال حفل فرقة كايروكي وتووليت الذي أقيم مساء أمس، في ختام مهرجان العلمين الجديدة، بدورته الثالثة.
رسالة صوتية بعد رحلة التعافي
وكانت قد خرجت أنعام في أول رسالة منها يوم الخميس الماضي، بعد تعافيها من الأزمة الصحية الصعبة التي مرت بها، حيث بعثت برسالة صوتية إلى جمهورها لتطمئنهم عليها، وخلال الرسالة الصوتية وجهت لهم الشكر والامتنان والتقدير البالغ لمحبتهم ودعائهم خلال فترة علاجها، مؤكدة أن هذا الدعم الكبير كان سببًا في إعطائها أمل وتمسكها بالحياة.
مضمون رسالة أنغام
وقالت أنغام في رسالتها عبر حسابها الرسمي على موقع تبادل الصور والفيديوهات إنستجرام، وهي تبكي : “فكرت أكتب ولا أتكلم بصوتي لكن حسيت إني محتاجة أتكلم بصوتي .. وبشكر كل حد وقف جنبي ودعالي من قلبه .. وكل شخص اكتشف أنه بيحبني أو مكانش بيحبني .. وقرر بإنسانيته وحنيته وقلبه أنه يدعيلي .. بشكركم من قلبي .. أنتم دعيتوا وربنا استجاب ودعائكم كان هو الدواء والإيد اللي بطبطب والحنية .. وهو اللي وقفني على رجلي بعد ربنا وبعد الدكاترة .. مش عارفة أقول إيه ولا اتكلم ومش عارفة ما أبكيش من فرحتي .. ومن الامتنان والشكر لله وليكم اللي مالي قلبي وموقفني على رجلي .. أنتم دعيتم لأنغام يمكن من قلوبكم .. لكن كمان دعيتم لأم اتمنت تكمل حياة مع ولادها وتفرح بيهم وترجع تعيش في وسطهم .. أنا كان كل خوفي أسيب ولادي .. ماكنتش عاوزة حاجة خالص من الدنيا غير إني أرجع لولادي .. أنا عديت بمحنة صعبة وشديدة وشكرا للي حط في قلوبكم الحب ده كلكم زملائي وصحابي ومحبيني والجمهور الكبير اللي بيحبني .. هو جمهور كبير وعظيم ونادر الوجود .. ونارد يكون فيه قلوب بالجمال والصدق والحنية دي .. عمري ما كنت بالضعف ده ومش خجلانة أكون ضعيفة شوية .. لأني بقيت حاسة أنكم حتة مني ومش غلط ولا عيب الإنسان يضعف قدام أهله .. ويطلب منهم يستحملوه وقت ضعفه .. وأنتم استحملتوني بالدعاء والمحبة اللي وصلتني على سريري في المستشفى .. وكنت كل ما اقرأ كلامكم وحبكم ودعائكم وأمنياتكم .. والكلام الداعم والحنين اللي كان بيطبطب عليا كنت بصر أفضل مفتحة عنيا”.
