للحصول على شعر صحي لامع.. طرق وحيل هامة لتجفيفه وترطيبه

تجفيف الشعر من غير ما تضريه بالحرارة سهل لو استخدمتي الطرق الصح، وده يبدأ من المنشفة الصح لحد المنتجات المناسبة، تعالي نشوف إزاي تنشفي شعرك بسرعة وتحافظي عليه صحي وناعم.
ويستعرض موقع «نيوز رووم»، خلال السطور التالية أبرز الحيل لتجفيف الشعر بطرق صحية وسليمة وغير مكلفة، وفقا لموقع«Stylecraze».
مشط واسع الأسنان هو سرك الأول
وأنتِ لسه خارجة من الحمام وشعرك مبلول، استخدمي مشط واسع الأسنان، ده بيساعد على فك التشابك ويسمح للهواء يتخلل الشعر، فيسرّع من عملية التجفيف.

المنشفة المناسبة تفرق
ابعدي عن الفوط القطنية العادية واستخدمي منشفة مايكروفايبر أو أي نوع بيمتص المية كويس، وبدل ما تفركي شعرك جامد، اضغطي عليه بالراحة عشان تتخلصي من المية الزايدة من غير ما يتقصف.

لفة المنشفة السحرية
بعد ما تغسلي شعرك، لفيه في المنشفة وسيبيه 15-20 دقيقة، أو جربي قميص قطني قديم، لأنه بيكون أطرى على الشعر وبيقلل الهيشان.
الهواء الطلق صديق شعرك
سيبي شعرك ينشف طبيعي على قد ما تقدري، ولو طويل، اقسميه خصل علشان يجف بشكل أسرع ومتساوي. وممكن تمشطيه كل شوية عشان تمنعي التشابك.

استخدمي صوابعك بحركة بسيطة
مرري صوابعك بين خصلات شعرك عشان تساعدي الهواء يدخل بينهم وتجففيه أسرع، ولو قلبتي راسك وهزيتي شعرك بلطف، هتساعدي على توزيع الهواء بشكل متوازن.

اختاري المنتجات الصح
فيه سبراي مخصوص بيساعد على تجفيف الشعر بسرعة، استخدميه بدل المنتجات اللي بتخلي شعرك تقيل أو دهني.

طرق العناية بالشعر 

يفضل استخدام الزيوت المناسبة لكل نوع شعر، فمن الضروري قبلها معرفة نوع شعرك، سواء دهني أو جاف أو عادي، فكل نوع يحتاج عناية مختلفة، وأنواع كريم خاصة تصلح لنوع الشعر.

لذلك ينصح العديد من المتخصصين بالتحقق من الملصقات الموجودة على منتجات العناية بالشعر للتأكد من أن المنتج مناس للشعر، كذلك يجب تجنب استخدام السيروم الثقيل أو الكريمات ويفضل استخدام البخاخات

أيضًا يجب اتباع طرق أكثر لطفًا في العناية بالشعر

استخدام الشامبو المناسب لنوع الشعر.
تجفيف الشعر بلطف باستخدام منشفة مناسبة.
تمشيط الشعر بالفرشاة بلطف.