أسرة إبرام طالب معهد الفنون المسرحية تنفي عودته.. وأنباء عن القبض عليه
نفت أسرة الشاب إبرام الطالب بمعهد الفنون المسرحية الأنباء التي انتشرت بشأن عودته إلى منزله بعد تغيبه.
شقيقة إبرام: أخويا ما رجعش
وكتبت دميانة شقيقة إبرام : “جماعة أنا مفيش أي جملة قولت فيها إن أخويا رجع .. أي حد بيسألني بقوله قال هيرجع النهارده .. بس هو لسه مرجعش”.
كما كتب أحد زملائه: “إبرام لسه مرجعش يا جماعة ويا ريت ما نشيرش أي حاجة. وأول ماهيرجع هنبلغكوا أكيد”.
وكتبت إحدى صديقاته: “إبرام لسه مرجعش ولما يرجع بالسلامه هيطمنكوا بنفسه. كل الأخبار اللي بتنتشر في رجوعه دي بتضره”.
وجاء ذلك بعد ساعات من نشر أحد زملائه منشورًا جاء فيه: "الحمدلله احنا وصلنا لأبرام. وهو كويس وان شاء الله يوصل بالسلامة ويطمنكم بنفسه ولكن بعد ساعات قليلة تم تحديث المنشور والتأكيد على أنه تواصل معهم فقط ولكنه لم يعود.
فيما كشف أحد زملائه أنه تم القبض عليه بسبب تصويره لفيلم فلسطيني قصير دون حصول على ترخيص.
أصدقاء إبرام يعلنون اختفائه
وكان زملاء إبرام قد كتبوا منشورات يستغيثوا بها بعد اختفاء إبرام وكتب مصطفى محمد: “اخونا إبرام متغيب من امبارح بليل الساعة ٢ ياريت أي حد تواصل معاه في الساعات الأولى من صباح النهاردة يبلغنا ويبلغ أهله وربنا ما يوجع قلبكم على عزيز”.
وكتب إسلام عرفة: “آخر حاجة أعرفها من إبرام انه كان هيروح مع البنت دي يصورا فيلم قصير فى المعادي ومن امبارح الفجر مختفي وهى مش عندي ولا بترد على مسدجات فياريت اللي يعرفها يتواصل معاها ويبلغنا”.
وكتبت إسراء الجمال: “إبرام زميلنا في معهد فنون مسرحية متغيب من امبارح الساعة ٢ بليل وأهله وصحابة بيدوروا عليه. آخر حاجة قالها ان في مخرجة فلسطينية كلمته وهيشتغل معاها في فيلم قصير بيتكلم عن القضية. لو حد عنده اي معلومات عن الفيلم او المخرجة او اي معلومة تساعد اهله ياريت”.
